26 Noyabr 2020, Cümə axşamı
"Qarabağ"la oyun çətin olacaq"
Prezident xalqa müraciət edib
“Qarabağ” İstanbula yollanır
Şuşanın havadan görüntüsü

Ölkə futbolu

Sezar Meza Kolli: “Artıq çəkim yoxdur, oynamağa hazıram”

"Keşlə" klubuna üçüncü dəfə qayıdan paraqvaylı futbolçu Sezar Meza Kollinin müsahibəsi

- Komandaya mövsümün əvvəlində qoşulacağınız gözlənilsə də, bu, bir qədər gec baş verdi. Səbəb nə oldu?

- Bundan əvvəl də dediyim kimi, Azərbaycanı çox sevirəm. Bura mənim ikinci evimdir. Amma eyni zamanda mən peşəkar futbolçuyam. İlk növbədə, Rumıniyanın "Universitatya" (Krayova) klubu ilə problemimi həll etməli idim. Onlarla 1 illik müqaviləm qalmışdı. Məsələ həllini tapdı və mən artıq "Keşlə"dəyəm.

- Maraqlıdır, "Universitatya" ilə məsələni necə yoluna qoydunuz?

- Oturduq, danışdıq və müqaviləni qarşılıqlı razılıq əsasında pozduq.

- Çoxdandır məşq etmirdiniz. Fiziki durumunuz necədir: Artıq çəkiniz var?

- Bəli, bir neçə aydır kollektiv hazırlıqda iştirak etmirdim. Dünən "Keşlə" ilə ilk məşqimə çıxmışam. Özümü yaxşı hiss edirəm. Artıq çəkim yoxdur, oynamağa hazıram. Çünki fərdi qaydada məşq edirdim.

- Azərbaycan millisinə cəlb olunmağınızla bağlı danışıqlar gedirdi. Milliləşmə üçün FİFA-ya müraciət edilmişdi. Bu məsələ nə yerdədir?

- Bununla bağlı elə də çox məlumatım yoxdur. Açığı, indi daha çox "Keşlə"dəki oyunuma köklənmək istəyirəm. Nəyin necə olacağını zaman göstərəcək.

- "Keşlə"də baş məşqçi dəyişikliyi oldu. Tərlan Əhmədovla yollar ayrıldıqdan sonra komanda Yunis Hüseynova həvalə olundu. Bu dəyişiklik barədə nə düşünürsünüz?

- Yenidən "Keşlə"də olduğum üçün şadam. Yeni baş məşqçi ilə işləyəcəyik. Onu deyə bilərəm ki, Yunis Hüseynov barədə hamıdan ancaq xoş sözlər eşitmişəm. Ümid edirəm ki, birlikdə yaxşı işlər görəcəyik.

- Bakıya qayıtdıqdan sonra Yunis Hüseynovla söhbətiniz olub?

- Bəli, dünən aramızda kiçik söhbət oldu. Məni çox yaxşı tanıdığını və komandaya xeyir verə biləcəyimi dedi. Bildirdi ki, ilk gündən məni komandasında görmək istəyib. Baş məşqçinin etimadını doğrultmaq üçün əlimdən gələni edəcəyəm. Hər zaman meydana çıxıb, komandama kömək etməyə hazıram (“Report”).




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2020
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30