Arda Turandan Azərbaycana dəstək: "Bir millət, iki dövlət"

Türkiyə millisinin və "Qalatasaray"ın futbolçusu Arda Turan Dağlıq Qarabağ münaqişəsi ilə bağlı Azərbaycana dəstəyini nümayiş etdirib.

Futbolxeber.az saytının məlumatına görə, bir neçə il əvvəl Bakıda bayrağımızın altında çəkilmiş fotosunu paylaşan 33 yaşlı yarımmüdafiəçi üzərində bu sözləri yazıb: "Bir millət, iki dövlət".

Qeyd edək ki, Arda "Atletiko"da çıxış edərkən Madrid təmsilçisi ilə “Bakı” klubu arasındakı əməkdaşlıq çərçivəsində bir neçə dəfə ölkəmizdə olub. Ulduz futbolçunun “Atletiko”ya sponsorluq edən “Bakı” klubunun prezidenti Hafiz Məmmədovla bu gün də əla münasibətləri var. Təsadüfi deyil ki, Avroliqanın II təsnifat mərhələsi çərçivəsində keçirilən “Neftçi” - “Qalatasaray" oyunundan öncə Arda Turan Bakıda “Land of fire Azerbaijan” brendinin müəllifi olan Hafiz Məmmədovla görüşmüşdü.