Voislav Stankoviç: “Qələbəni “Qarabağ”dan daha çox istəyirdik”

"Neftçi”nin müdafiəçisi Voislav Stankoviç Azərbaycan Premyer Liqasının 3-cü turunda "Qarabağ”la oyundan (2:1) sonra klubun rəsmi saytına açıqlama verib.

Futbolxeber.az saytının məlumatına görə, “ağ-qaralar”ın ilk qolunun müəllifi qeyd edib ki, “Neftçi” “Qarabağ”la müqayisədə daha istəkli idi:

"Vaxt azlığına baxmayaraq, bu oyuna yaxşı hazırlaşmışdıq. Təbii ki, "Qalatasaray”la matçdan sonra psixoloji tərəfdən özümüzü toparlamaq ən vacib məsələ idi. Şadam ki, həm bunu bacarıb qələbə qazandıq, həm də qol vurdum. Mənə elə gəlir ki, biz "Qarabağ”dan daha istəkli idik, qələbəni daha çox istəyirdik. Ümid edirəm, bu qələbədən sonra qarşıdakı matçlarda daha gözəl oyun nümayiş etdirib vəziyyətimizi daha da yaxşılaşdıracağıq”.