“Neftçi” hazırlığı davam etdirir

“Neftçi” məşqlərini gündə bir dəfə olmaqla davam etdirir.

Futbolxeber.az saytının klubun rəsmi Feysbuk səhifəsinə istinadən verdiyi məlumata görə, “Ağ-qaralar” bu gün “Türk Hava Yolları Futbol Mərkəzi”ndə hazırlıq keçiblər. Məşqdə müxtəlif fiziki təmrinlər və toplu çalışmalar yerinə yetirilib.

Qeyd edək ki, “Neftçi” yeni mövsümdə ilk oyununu avqustun 21-də keçirəcək. Komanda Premyer Liqanın 1-ci turu çərçivəsində “Səbail”i qəbul edəcək. Saat 20:30-da start götürəcək görüş “Bakcell Arena”da baş tutacaq.

Ayın 27-də isə flaqman UEFA Avropa Liqasının birinci təsnifat mərhələsi çərçivəsində Şimali Makedoniyanın “Şkupi” klubu ilə qarşılaşacaq. Oyun “Bakcell Arena”da keçiriləcək və saat 20:00-da başlanacaq.