21 Sentyabr 2020, Bazar ertəsi
"Neftçi" "Qarabağ"a qalib gəldi
Premyer Liqamızın tam təqvimi
Əliyar Ağayev Avroliqa oyununda
Beyl “Tottenhem”ə qayıtdı

Ölkə futbolu

İlqar Nadiri: “Hamı futbol üçün çox darıxıb”

Sərtləşdirilmiş xüsusi karantin rejiminin tətbiq olunduğu şəhər və rayonlarda açıq havada idman yarışlarının və oyunlar da daxil olmaqla bütün kütləvi idman tədbirlərinin keçirilməsinə qoyulan qadağa qüvvədə saxlanılıb.

Futbolxeber.az saytının məlumatına görə, bu səbəbdən I Divizionda yarışan komandaların təlim-məşq toplanışına başlaması mümkün olmayıb.

Bir müddət öncə Premyer Liqa klublarına məşq etmək üçün imkan yaradıldığından növbəti mərhələdə aşağı dəstə komandalarına da güzəşt ediləcəyi gözlənilirdi. Bu, daha çox Operativ Qərargahın idmanla bağlı fərqli qərar qəbul edəcəyindən asılı idi. Amma karantin vəziyyətində dəyişiklik olmadığından və məhdudiyyyətlər qüvvədə qaldığından məşqlərin startı növbəti dəfə təxirə salındı.

Məsələ ilə bağlı “Kəpəz” klubunun icraçı direktoru İlqar Nadiri mətbuat xidmətinə fikirlərini bölüşüb: “Operativ Qərargahın avqustun 3-də keçirilən iclası hamını maraqlandırırdı. Biz futbol adamları gözləyirdik ki, idmanla bağlı yumşalmalar olar, komandaların məşqlərə başlamasına icazə verilər. Başa düşürük ki, atılan addımlar, verilən qərarlar insanları xəstəlikdən qorumaq üçündür və bunu qiymətləndiririk. İnşallah, yaxın zamanlarda dəyişiklik olar və hazırlığa start verərik. Buna ümid edirik. Azarkeşlər də tez-tez sual verirlər, vəziyyətlə maraqlanırlar. Hamı futbol üçün çox darıxıb. Ötən mövsüm yarımçıq dayandırıldığından komandamız mart ayının 12-dən oyun keçirmir. Arada uzun fasilə yaranıb. Odur ki, futbolsevərlər növbəti çempionatın başlamasını sərbsizliklə gözləyirlər. Amma fanatlar bilsin ki, komanda məşqlərə başlamasa da, meydançadan kənar işləri yoluna qoymaq üzərində çalışırıq. İlk olaraq baş məşqçi məsələsini həll etmişik. Ötən mövsüm kollektivi çalışdıran Yaşar Vahabzadə ilə yeni 1 illik razılıq əldə olunub. O, qarşıdakı çempionatda da “Kəpəz”i çalışdıracaq. Yaşar müəllim də boş oturmur. Yeni futbolçularla danışıqlara başlayıb, heyəti formalaşdırmağa çalışır. Xüsusən də, seçimdə gənclərə üstünlük verir”

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2020
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30