15 Avqust 2020, Şənbə
“Bavariya” “Barselona”nı biabır etdi
“Sumqayıt”dan böyükhesablı qələbə
“Neftçi” “Qəbələ”ni məğlub etdi
“Qəbələ”də monteneqrolu yarımmüdafiəçi

Ölkə futbolu

AFFA "Borussiya"nın yetirməsini milliyə gətirmək istəyir

AFFA Almaniyanın "Borussiya" (Dortmund) klubunun sabiq futbolçusunu Azərbaycanın aşağı yaş qrupları üzrə yığmasına cəlb etmək istəyir.

Futbolxeber.az saytının məlumatına görə, bu barədə Moldovada yaşayan azərbaycanlı futbol agenti Ramil Adıgözəlov "Zen.yandex.ru" saytına müsahibəsində bildirib. Lakin o, oyunçunun adını açıqlamayıb.

Adıgözəlovun sözlərinə görə, 15 yaşlı yarımmüdafiəçi hələlik AFFA-nın təklifinə müsbət cavab verməyib: "AFFA-nın milli komanda ilə işləmə prinsipi uğurludur. Bunu Dadaşov qardaşlarının timsalında milliləşdirmə məsələsində görmək olar. Bilirəm ki, AFFA Dortmund "Borussiya"sında çıxış etmiş 15 yaşlı azərbaycanlı futbolçunu milli komandaya cəlb etmək üçün onunla müqavilə bağlamaq istəyir. Amma həmin oyunçu hələlik Azərbaycan millisində çıxış etmək istəmir".

"Report"un araşdırması nəticəsində isə həmin futbolçunun kimliyi üzə çıxıb. Bu, martda Almaniyanın aşağı liqa təmsilçilərindən "Hombrüxer"ə keçən Mətləb Əsədovdur.

AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla "Report"a açıqlamasında Əsədovun Texniki Departamentin nəzarətdə saxladığı futbolçuların siyahısında olduğunu təsdiqləyib: "AFFA-nın bundan xəbəri var. Texniki Departamentin digər ölkələrdə çıxış edən futbolçularla bağlı siyahısı olur. Mətləbin adı da həmin siyahıdadır. Vaxtaşırı olaraq onu izləyirlər".

Qeyd edək ki, Mətləb Əsədov Dortmund "Borussiya"sının Futbol Akademiyasının yetirməsidir.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31