“Qəbələ”: 66 oyun, 36 qələbə

Koronavirus pandemiyası üzündən yarımçıq başa çatdırılan Azərbaycan kuboku 2019/20 mövsümü “Qəbələ”nin turnirdə 15-ci sınağı olub.

Futbolxeber.az-ın klubun rəsmi saytına istinadən verdiyi məlumata görə, “Qırmızı-qaralar” bu yarışda 2005/06 mövsümündə debüt edib.

Bu müddətdə 66 oyun keçirən komanda 63,1 faizlik göstəriciyə malikdir. Belə ki, 36 qələbə və 17 heç-heçəsi olan “Qəbələ” yalnız 13 dəfə uduzub. 112 top vuran və 55-ni buraxan klubumuz Azərbaycan kuboku tarixinin 8-ci komandasıdır. “Qırmızı-qaralar” 7-ci olan “Turan”dan 3, 6-cı olan “Xəzər Lənkəran”dan 12 xal geridədir. Komanda həm ev, həm səfərdəki göstəricilərinə görə yarışın 28 illik tarixində 8-cidir. “Qəbələ” neytral meydandakı nəticəsinə əsasən 6-cı sırada yer alıb.

Cəmi 66 36 17 13 112-55 125

Evdə 34 21 9 4 69-21 72

Səfərdə 28 14 7 7 41-30 49

Neytral 4 1 1 2 2-4 4