15 Avqust 2020, Şənbə
“Qəbələ”də monteneqrolu yarımmüdafiəçi
“Atletiko”dan ÇL-ə erkən vida
Rıbka “Səbail”dən getdi
De Byazi "Neftçi"nin məşqində

Ölkə futbolu

"Qarabağ" Qəbələyə Emil Balayev və legionerlərlə yollanır

Bir neçə gün öncə xüsusi təyyarə ilə İspaniyaya yollanmış "Qarabağ"ın legionerləri Xayme Romero və Miçel Madera komandanın Qəbələ toplanışında iştirak edəcəklər.

Klubdan verilən məlumata görə, ispaniyalı yarımmüdafiəçilərin Bakıya nə vaxt qayıdacaqları dəqiq bilinmir. Onların toplanışa koronavirus pandemiyası ilə əlaqədar bir qədər gec qoşulacaqları istisna edilmir.

"Qarabağ" Çempionlar Liqasının hazırlığına əvvəldən nəzərdə tutulduğu kimi iyulun 11-də deyil, 14-də başlamağı planlaşdırır. Komanda üzvləri koronavirus testindən keçəcəkləri üçün toplanışın vaxtında dəyişiklik olub.

Hazırlıq prosesinə "Zirə" ilə müqaviləsi başa çatan Emil Balayev də qoşulacaq. Azərbaycan millisinin qapıçısı ilə bütün məsələlərdə razılıq əldə olunub və yalnız münasibətlərin rəsmiləşməsi qalıb. Rəsmi müqavilə yaxın günlərdə imzalanacaq.

Qeyd edək ki, mövsümün sonunda Maqaye Qeye, Ailton Silva, Faysal Rerras, Vaqner Silva, Nicat Süleymanov və Nicat Mehbalıyevlə yollarını ayıran "Qarabağ"da kapitan Rəşad Sadıqov karyerasını başa vurub. Ağdamlılar hələlik Portuqaliyanın "Şaveş" klubundan kolumbiyalı müdafiəçi Kevin Medinanı, sabiq futbolçusu, ötən mövsümü "Neftçi"də keçirmiş haitili cinah oyunçusu Donald Geryeni və "Sumqayıt"da icarə müddəti başa çatan Elvin Cəfərquliyevi heyətinə qatıb ("Report").

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31