19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Ukraynalı qapıçı: “Səbail”dən ayrılsam, geri dönmək problem olacaq”

"Səbail"in ukraynalı qapıçısı Aleksandr Rıbka ölkəsinin mətbuatına müsahibə verib.

-Aleksandr, koronavirus pandemiyası səbəbindən Azərbaycan çempionatının vaxtından əvvəl bitdiyinə təəccüblənmədin?

- Yox. Vəziyyət elə inkişaf edirdi ki, hər şey bu qərara doğur gedirdi. Əlbəttə, çempionatı başa çatdırmaq istədik, amma mövcud vəziyyət buna imkan vermədi.

- Ölkədə koronavirusla bağlı vəziyyət necədir?

- Vəziyyət yaxşılaşmır. Şəhər yenidən karantindədir. Çöldə qısa müddət - maksimum iki saat qala bilirik. Belə qaydalar əvvəllər tətbiq edilmişdi, indi də təkrarlanır. İnsident azalmır, buna görə də karantinin yumşadılması barədə danışılmır.

- Futbolçular harada tapşırıqları yerinə yetirir? Özünüz evdə məşq edirsiniz?

- Təlimlər yoxdur, məşq etməyə icazə verilmir. Əlbəttə ki, bu da tətil adlandırıla bilməz. Ümumiyyətlə, evdə oturub bacardığım qədər istirahət edirəm.

- Ukraynaya qayıtmağın yolu yoxdur?

- Ukraynaya çarter reysi ilə uçmaq imkanı var. Ancaq klubumuz qəti şəkildə buna qarşıdır, çünki daha bir il müqaviləm var. Əgər ayrılsam, geri dönmək problem olacaq. Hələlik vəziyyət belə görünür. Bəlkə də sonrada bir şey dəyişəcək

- Mövcud vəziyyətlə əlaqədar olaraq müqavilənizin maliyyə şərtləri yerinə yetirilirmi?

- Bu barədə hələ heç nə müzakirə edilməyib. Bildiyimə görə, heç bir dəyişiklik gözlənilmir. Müqavilədə yazılanlar qüvvədə qalacaq.

- “Qarabağ” çempion , "Neftçi" ikinci, "Keşlə" isə 3-cü oldu...

- Düşünürəm ki, hər şey normaldır. Bu üç komanda mövsüm ərzində yaxşı çıxış etdilər. Xüsusi ilə də “Keşlə” irəlilədi.

- Gələcək planlarınız nələrdir? Müqavilənin sonuna qədər Azərbaycanda qalacaqsınız?

- Bəli, karantin yumşaldılana qədər burada gözləyəcəyəm. Ümid edirəm ki, hər şey düzələcək və həyat əvvəlki tərzinə qayıdacaq. Əsas odur ki, insanlar xəstələnməsin və bu virusdan ölməsinlər.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31