Ölkə futbolu
“Qarabağ”ın növbəti “qurban”ı kim olacaq: Emil, yoxsa Şahruddin?
Koronavirusun Azərbaycanda ən böyük zərbə vurduğu sahələrdən biri də futboldu. Pandemiya səbəbindən ölkə çempionatı yarımçıq dayandırıldı. Üstəlik, karantin rejimi nəinki oyunların keçirilməsinə, hətta klubların məşqlərinə də mane olur. Halbuki tezliklə ölkəmizi avrokuboklarda təmsil edəcək klublar hazırlıqlara start verməlidirlər. Operativ Qərargahın qəbul etdiyi qərarlar isə buna imkan vermir. Hazırlıq baxımından vəziyyətin necə olacağını bilməyən klublar hazırda heyətlərini gücləndirməyə çalışırlar.
Düzdü, COVİD-19 bu sahədə də klublarımıza çətinlik yaradır. Beynəlxalq uçuşların olmaması (İstanbul xaric) əcnəbi futbolçuların ölkəmizə gəlişini əngəlləyir. Hazırda klublar əsas gücü “yerli bazar”a veriblər.
Bu baxımdan ən aktiv klublar yerli oyunçu transferi üçün əcnəbi skaut dəvət etməklə unikal addım atan “Sabah” və Avroliqada mübarizə aparacaq “Keşlə”di. “Keşlə” son 1 həftə ərzində 8 futbolçu ilə vidalaşıb, əvəzində 3 yeni transfer reallaşdırıb, üstəlik, 6 futbolçu ilə də müqavilənin müddəti artırılıb.
“Keşlə”dən fərqli olaraq digər avrokuboklar iştirakçılarımızın düşərgəsində nisbətən sakitlikdi. Bir neçə aparıcı futbolçu ilə müqavilə yeniləyən “Neftçi” Dabo, Gerye, Tural Axundov, Platellas kimi futbolçularla vidalaşıb. “Sumqayıt”ın düşərgəsində də qeyri-müəyyənlikdir. Mətbuatda bir çox futbolçunun komandadan gedəcəyi yazılsa da, hələlik yalnız Şəhriyar Əliyev və Mehdi Şərifi rəsmən ayrılıb. Maliyyə azlığından hər mövsüm olduğu kimi, aparıcı futbolçularını saxlamaqda çətinlik çəkən “Sumqayıt”ın taleyinə nə qədər tez aydınlıq gəlsə, bir o qədər yaxşı olar. Çünki komanda artıq gələn ay tarixində ilk dəfə olaraq ölkəmizi Avroliqada təmsil etməlidir.
Ardıcıl 7-ci dəfə çempion olan “Qarabağ”ın düşərgəsində də sakitçilikdir. 1 ildir rəsmi oyunlarda meydana çıxmayan Vaqner da Silva, eləcə də Ailton Silva və Faysal Rerrasla yollarını ayıran Ağdam klubunun ən böyük itkisi şübhəsiz ki, Rəşad Sadıqovdur. Son illər komandanın əvəzsiz lideri olan təcrübəli müdafiəçinin yerinə artıq legioner transferi razılaşdırılıb. Lakin yeni transferin gəlişi məlum səbəblərdən yubanır. Əvəzində “Qarabağ” Donald Geryeni geri qaytarıb.
Hazırda “Qarabağ”da ən çox güclənməyə ehtiyacı olan mövqe qapı xəttidir. Qışda Beqoviç, yayda isə Vaqner komandadan ayrıldı. III dövrədən etibarən adı iştirak ərizəsinə düşən üçüncü qapıçı, “Bakı”nın yetirməsi Nicat Mehbalıyev isə “Sabah”a transfer olundu. 3 qapıçının gedişindən sonra hazırda Ağdam klubunun ümidi “çərçivə”də yalnız Şahruddin Məhəmmədəliyevə qalıb. Təbii ki, bu halda komandanın ən azı əlavə 2 qapıçıya ehtiyacı var.
Son günlər Emil Balayevin adı “Qarabağ”la yanaşı hallanır. Milli komandamızın qapıçısının Ağdam klubu ilə artıq razılıq əldə etdiyi bildirilir. Keçid baş tutarsa, Gerye kimi Balayev də sabiq klubuna qayıtmış olacaq. Emil daha əvvəl də qısa müddət “Qarabağ”ın futbolçusu olub. Həmin vaxt heyətə düşə bilməyən Balayevin budəfəki aqibətinin necə olacağını zaman göstərəcək. Lakin bu keçidlə bağlı toxunulmalı məqamlar var.
Birincisi, Balayev ötən il inamlı çıxışı ilə Kamran Ağayevin gedişindən sonra millinin yaralı yerinə çevrilən qapı xəttindəki problemi yoluna qoymuşdu ki, bunda legioner həyatı yaşamasının böyük rolu var idi. “Tobol”da inamlı çıxışı ilə yadda qalan Balayevin yenidən legioner həyatı yaşayacağına ümidimiz böyük idi. Bir müddət əvvəl Norveçə yollanan, lakin danışıq apardığı “Bodo-Qlimt”lə razılığa gələ bilməyən qapıçı vətənə qayıtdı və mövsümün sonuna kimi “Zirə”nin formasını geydi. Onun yenidən karyerasını ölkə daxilində davam etdirməsi karyerasında geri addım olacaq. Hər nə qədər “Qarabağ” son illər avrokubokların qrup mərhələsinin iştirakçısına çevrilsə də, Azərbaycan çempionatının gündən-günə aşağı düşən səviyyəsi hər kəsə məlumdur.
Üstəlik, Balayev “Qarabağ”da 1 nömrə ola biləcəkmi? Olmasa, öz karyerasına zərbə vurmuş olacaq. Çünki Emil indi elə yaşdadır ki, mütəmadi oynamalıdır. Balayevin ehtiyatda qalması həm də millinin qapıçı problemi yaşaması deməkdir.
Yox, Emil əsas heyət üzvünə çevrilməyi bacarsa, o zaman Şahruddin Məhəmmədliyevin karyerası təhlükədə olacaq. Şahruddin haqda hər nə qədər “legionerdi”, “boyu qapıçı üçün ideal deyil” və s. fikirlər səslənsə də, reallıq budur ki, o, aşağı yaş qrupları üzrə müxtəlif yaş qrupları üzrə milli komandalarımızda çıxış edib, 2017-ci ildə U-23-ün heyətində İslam Həmrəyliyi Oyunlarının qalibi olub, Yurçevinin vaxtında əsas yığmaya dəvət alıb. Hazırda milliyə potensial 5 qapıçıdan biridir. Üstəlik, son mövsümdə də “Qarabağ”ın heyətində az oyunun iştirakçısı olmayıb. Avrokuboklarda yalnız Avroliqanın qrup mərhələsinin son görüşündə meydana çıxan Məhəmmədəliyev cari mövsüm Premyer Liqada baş tutan 20 tur ərzində 10 dəfə meydana çıxıb və bu oyunlardan 9-da qapısını toxunulmaz saxlayıb.
Deməli, Balayevin “Qarabağ”a keçidi milliyə potensial 2 qapıçını üz-üzə qoyacaq və onlardan biri ehtiyatda qalmalıdı. Aydın məsələdir ki, 2 qapıçının ikisi də eyni vaxtda meydanda ola bilməz. Ona görə də bu transfer milliyə potensial namizəd olan 2 qapıçıdan birinin karyerasına zərbə ola bilər.
Daha əvvəl də bu haqda yazmışıq. Əksər potensiallı yerli oyunçular “Qarabağ”a keçdikdən sonra karyeralarında eniş yaşayırlar. 10 il ərzində Bəxtiyar Soltanov, Namiq Ələsgərov, Şəhriyar Əliyev, Hacı Əhmədov, Vüqar Mustafayev, Azər Salahlı, Tərlan Quliyev, Elvin Yunuszadə, Elşən Abdullayev, Nicat Süleymanov, Elgün Uluxanov və digərləri “Qarabağ”ın “qurban”ına çevriliblər. Qurban Qurbanov tərəfindən çox da oynamaq imkanı qazanmayan bu futbolçular karyeralarının parlaq dövründə Ağdam klubuna keçdikdən sonra ya ciddi eniş yaşayıblar, ya da özlərinə gəlmələri üçün uzun vaxta ehtiyac duyulub. İndi də bu təhlükə Emil Balayevlə Şahruddin Məhəmmədəliyev üçün mövcuddur. Hadisələri qabaqlamaq istəməzdik, lakin görünən odur ki, Emilin “Qarabağ”a keçidi ya onu, ya da Şahruddini geri salacaq. İtirən isə Azərbaycan futbolu olacaq. Onsuz da bu gün milliyə potensial cəmi 4-5 qapıçı var...
FUTBOLXEBER.AZ
Şərh yazılmayıb
|
ŞƏRH YAZ
|
Çox oxunan xəbərlər
- “Zirə” və “Birbaşa Bakı”dan növbəti qələbə
- Azərbaycan derbisinə sözardı
- ETOPAZ-ın baş sponsorluğu ilə şirkətlər liqası minifutbol turniri start götürüb
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- “Qarabağ FK - 30 mövsüm səfərdə” sənədli filminin təqdimatı olub
- Qurban Qurbanov: “Bu gün meydanda xalqın layiqli komandası var idi”
- “Zirə”dən alqışlanası addım
- Azər Əliyev: "Qarabağ" əsl xarakter nümayiş etdirdi"
- Onlar işinin ekspertidir
- “Qarabağ”la Bakıda oynamaq “Barselona” ilə qarşılaşmağa bərabərdir”
- Sxadadze: “Qəbələ” kimi klub Premyer Liqanı tərk etməməlidir”
- Elxan Məmmədov “Reuters”ə danışdı: “Yeni təcrübə imkanı qazanacaqlar”
- Elmar Baxşıyev istefa verdi
- ETOPAZ - uduşun təminatı!
- Elşad Quliyev: “Xalqımız Avropa çempionatında daha güclü Azərbaycan millisi görəcək”
-
12:00
"Açığı, mən də düşünürdüm ki, Azərbaycan çempionatında "bir ayaqla" oynayacam"
-
11:39
Azərbaycan gimnastları Almaniyada Dünya Kubokunda iştirak edəcəklər
-
11:12
Azərbaycan atıcıları Almaniyada qızıl medal qazanıblar
-
10:47
"Ağdaş" "Şəmkir"i məğlub etdi VİDEO
-
10:21
Azərbaycanın güləş millisi “Çempionlar” turnirini 10 medalla başa vurub
-
10:08
Ukrayna millisinin Azərbaycanla oyun üçün heyəti açıqlandı
-
09:54
"Bakı Sportinq" - "Lerik" oyununda 5 qol VİDEO
-
09:30
"Turan Tovuz"un legioneri milliyə dəvət aldı
-
18:58
"Qarabağ"ın legioneri 5 il yarımdan sonra milliyə dəvət aldı
-
18:40
4 klub cərimələndi
-
18:34
AFFA danışılmış oyunlarda iştiraka görə 4 nəfəri futboldan ömürlük uzaqlaşdırdı
-
18:13
AGF-nin baş katibi Meksikanın Azərbaycandakı səfiri ilə görüşüb
-
17:55
Azərbaycan millisi Dünya Kubokunda 10-cu yeri tutub
-
17:41
II Liqa: Ev sahibləri üçün uğurlu gün
-
17:22
Azərbaycan Kanoe və Avarçəkmə Federasiyası Mingəçevirdə təmizlik aksiyası həyata keçirib
-
17:06
Azərbaycan millisinin oyunlarına hakim təyinatları açıqlandı
-
16:54
"Juninyonu "Qarabağ"da saxlamaqda çətinlik çəkəcəyik"
-
16:37
“Neftçi” - “Spartak” oyununun biletləri satışda
-
16:19
Azərbaycanın cüdo hakimləri beynəlxalq yarışları idarə ediblər
-
16:00
Elvin Bədəlov: “Sona qədər hansı komanda təzyiqə dözəcəksə, o da avrokuboklara yollanacaq”
-
15:28
Azərbaycan həndbol çempionatı: liderlərdən heç-heçə
-
15:15
Lunyov Rusiya millisinin düşərgəsinə qoşuldu
-
14:43
Azərbaycanın stolüstü tennisçiləri beynəlxalq yarışda 10 medal qazanıblar
-
14:31
"Traktor" yenidən üçüncü pillədə
-
13:52
"Qəbələ" mövsümün rekorduna imza atıb
-
13:24
"Neftçi" - "Spartak" oyununun başlama saatı açıqlanıb
-
13:16
“Ağ-qaralar”ın “Black Friday”i
-
13:07
Pelleqrini "Roma"ya qələbə qazandırdı VİDEO
-
12:49
Tovuzda mövsümün üçüncü ən yaxşı göstəricisi qeydə alındı
-
12:35
"Fənərbaxça" Trabzondan 3 xalla qayıtdı VİDEO
-
12:28
"Neftçi"nin ilk böyükhesablı qələbəsi
-
12:13
"Borussiya"dan əzmkar qələbə VİDEO
-
12:00
Üzgüçülük üzrə uşaq liqasının mərhələ yarışları keçirilib
-
11:52
"Barselona" "Atletiko"ya qalib gəldi VİDEO
-
11:41
U-21-in İngiltərə və Ukrayna ilə oyunlar üçün heyəti açıqlandı
-
11:26
"İnter" qələbəni əldən verdi VİDEO
-
11:17
"Qarabağ" XXI əsrin rekorduna imza atıb
-
11:04
PSJ 3 xalı 6 qolla qazandı VİDEO
-
10:58
Azərbaycan gimnastları “AGF Trophy” turnirinin son günündə 13 medal qazanıblar
-
10:49
"Bayer" yenə 3:2-yə sevindi VİDEO
-
10:35
“Səbail”in müdafiəçisi: “Qarabağ”a keçmədiyim üçün peşman deyiləm”
-
10:22
"Qalatasaray"ın əzmkar qələbəsi VİDEO
-
10:14
Azərbaycan atıcısı beynəlxalq turnirdə medal qazanıb
-
10:06
"Milan" səfərdə qələbə qazandı VİDEO
-
09:57
Azərbaycanın daha iki gimnastı Niderlandda qızıl medal qazanıb
-
09:43
"Yuventus" öz meydanında büdrədi VİDEO
-
09:30
Rahilin komandasından heç-heçə
-
22:15
Samir Abasov: "Mövsümün sonunda hansı yerdə olacağıqsa, o da bizim hədəfimizdir"
-
21:43
Musa Qurbanlının komandası finalda
-
21:28
Azərbaycanın iki gimnastı Niderlandda qızıl medal qazanıb