“Sumqayıt”da daha bir ayrılıq

Şəhriyar Əliyevin ardınca “Sumqayıt” daha bir futbolçu ilə vidalaşıb.

Futbolxeber.az saytının məlumatına görə, Mehdi Şərifi komandadan ayrılıb.

İranlı forvardın klubla müqaviləsi başa çatıb. Məşqçilər korpusu Şərifinin xidmətində maraqlı olmadığı üçün onunla yeni müqavilə imzalanmayıb.

Qeyd edək ki, mətbuatda daha bir neçə futbolçunun “Sumqayıt”dan gedişi haqda xəbərlər yayılsa da, bu ana qədər rəsmən Şəhriyar Əliyev və Mehdi Şərifi komanda ilə vidalaşıb.

Şərifi kimi Əliyevin də sözləşməsi bitmişdi. Bu səbəbdən də müdafiəçi daha sərfəli təklif aldığı “Keşlə” ilə anlaşıb.

Əlavə edək ki, ötən yay "Sumqayıt"a qoşulan Şərifi Premyer Liqada 5 qola imza atıb.