29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Qarabağ”dan ayrılan qapıçı: “Futbolun bərpasına ümid az idi”

“Çox çətin vəziyyətdir, amma hökumət pandemiya ilə mübarizə üçün zəruri tədbirlər görür. Bu, Azərbaycanda eksklüziv bir şey deyil, hamı bu anı yaşayır. Virusla ən yaxşı şəkildə mübarizə aparmalıyıq”.

Futbolxeber.az saytının məlumatına görə, bunu Azərbaycan Premyer Liqasında pandemiyaya görə vaxtından əvvəl başa çatdırılan 2019/2020 mövsümündən sonra “Qarabağ”dan ayrılan braziliyalı futbolçu Vaqner da Silva ölkəsinin mətbuatına açıqlamasında deyib.

33 yaşlı qapıçı bildirib ki, Çempionlar Liqasının tənifat mərhələsinin oyunlarına vaxt qalmadığı üçün Ağdam klubu çempion elan olunub: “Ölkədə yeni karantin rejiminin tətbiqindən öncə məşqləri bərba etdik və futbol qayıtmaq üçün hazırlaşmağa başladıq. Klub bütün futbolçuları, əməkdaşlarını testdən keçirdi və yoluxma halı aşkarlanmadı. Amma yeni karantin rejiminin elan olunması planları dəyişdi”.

Da Silvanın sözlərinə görə, məcburi fasilədən sonra məşqlərə öyrəşmək asan olub: “Heç bir çətinlik çəkmədik. Komanda üzvləri arasında yoluxma halı aşkarlanmasa da, klub rəhbərliyi hökumətin tətbiq etdiyi qadağalara əməl olunması üçün bütün lazımi təhlükəsizlik tədbirlərini görmüşdü. Biz yenidən futbol oynamaq istəyirdik. Amma bu halda futbolun bərpasına ümid az idi”.

“Qarabağ”ın sürətlə böyüdüyünü və daim avrokuboklarda iştirak etdiyini xatırladan təcrübəli qolkiper bunun Azərbaycan kimi kiçik ölkənin ölçülərini böyütdüyünü söyləyib: “Avropa yarışlarında oynamaq hər zaman komandanı daha yüksək səviyyəyə qaldırır. Builki əsas hədəf əvvəlcə birinci təsnifat mərhələsini adlamaqdır”.

Sonda Vaqner ölkəsinə qayıtmaq istədiyini deyib: “Braziliyada təqvim çox sıxdır. Hesab edirəm ki, idmançıların təhlükəsiz dönüşü üçün yerli federasiya hər ştatla konsensus əldə etməlidir”.

Qeyd edək ki, "Qarabağ" Vaqner da Silva ilə yanaşı, Faysal Rerras və Ailton Silva ilə də yollarını ayırıb. Vaqner 2018-ci ildən Ağdam klubunda çıxış edirdi (“Report”).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31