19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Hansı yetirmədən danışırsız, Tahir bəy?

VƏ YA “BAKI”NIN, “QƏBƏLƏ”NİN ADINI ÇƏKMƏK BU QƏDƏRMİ ÇƏTİN OLDU?

“Qarabağ”ın prezidenti Tahir Gözəlin hər müsahibəsində xüsusi toxunulası məqam(lar) olur. Ardıcıl 7-ci dəfə çempion olduqdan sonra sualları cavablandıran Tahir Gözəl yenə “ənənəsinə” sadiq qalıb. Yəqin diqqətli oxucular da fikir verib ki, “Qarabağ”ın başqanı hər fürsətdəcə diqqəti maliyyəyə yönəldir. Budəfəki müsahibəsində Ağdam klubunun büdcəsinin azaldılacağını açıqlayan klub prezidenti bunu koronavirusdan tutmuş Moskva bazarlarının bağlı olmasına qədər bir çox səbəblə əlaqələndirib. Hələ ötən il Çempionlar Liqasının III təsnifat mərhələsinin cavab qarşılaşması çərçivəsində Bakıda APOEL-lə oyundan sonra jurnalistlərin yeni transferlə bağlı sualına klub rəhbəri belə cavab vermişdi: “Xeyr, bunun üçün infrastruktur, gəlir olmalıdır. “Qarabağ”ın sponsordan başqa gəlir yeri yoxdur. Avropa klubları kimi futbolçu alıb, sata bilmirik... “Qarabağ”ı “Azersun” şirkəti himayə edir. İmkanlarımız nəyə çatır, yavaş-yavaş gedirik. Bundan artığına imkan yoxdur”.

Hələ o zaman da vurğulamışdıq ki, Tahir Gözəlin bu açıqlaması kifayət qədər təzadlıdır. Birincisi, son illər “Qarabağ” Avropadakı uğurlu çıxışı sayəsində UEFA-dan heç də az olmayan vəsait əldə edir və bu məbləğ klubun 1 illik büdcəsinin böyük bir hissəsini təşkil edir. “Azersun”un Ağdam klubuna ayırdığı məbləğ elə də böyük deyil. Üstəlik də, lap həmin məbləğ böyük olsa belə, Tahir bəyin bundan gileylənməyi düzgün olmaz. Çünki “Azersun” şirkətinin qazandığı vəsait kifayət qədərdir və həmin pulla 1 deyil, yeri gəlsə 5 komanda saxlamaq olar.

Hər fürsətdə maliyyə azlığından gileylənən “Qarabağ”ın rəhbəri gah “AFFA prezidenti Rövnəq Abdullayevdən mükafat gözləyirik” deyir, gah da Azərbaycan ordusunu misal gətirərək, dövlətdən yardım umur...

Tahir Gözəlin budəfəki müsahibəsində başqa bir diqqətçəkən məqam klubun yetirmələri haqda suala verdiyi cavabdır. Maksim Medvedev və Qara Qarayevin adını çəkən klub rəhbəri “Mahir Emreli bizdə inkişaf etdi” deyir. Bu cavab daha çox “başqasının bədbəxtliyi üzərində qurulan xoşbəxtliyə” oxşayır. “Bakı” dağılmasaydı, Mahirin “Qarabağ”da nə işi vardı? Mahiri və onun kimi onlarla futbolçunu yetişdirən “Bakı”nın sayəsində bu gün Emreli “Atletiko”da da olmasa, ən azı “Lans”da oynayardı. Tahir Gözəlin Maksim və Qaranın adını çəkməsi əslində, “saman çöpündən yapışmaqdır”. Çünki özü də yaxşı bilir ki, “Qarabağ” son 10 ildə Azərbaycan futboluna 1 futbolçu belə bəxş etməyib. Son 10 ildə aşağı yaş qrupundan klubun öz yetirməsi olan 1 futbolçu əsas komandaya cəlb olunmayıb. “Qarabağ”ın son mövsümün ikinci yarısı üçün PFL-ə təqdim etdiyi 20 nəfərlik sifariş vərəqəsində Mahirdən savayı, yaşı 25-dən aşağı olan yalnız 2 futbolçu var - İsmayıl İbrahimli və Hacıağa Hacılı. Mahir kimi İsmayıl da “Bakı”nın yetirməsidir. Hacıağanı yetişdirən isə “Qəbələ” olub. Bu yerdə kimsə daha əvvəl icarə əsasında “Sumqayıt”da çıxış edən, qışda “Qarabağ”a qayıdan, Premyer Liqanın son oyunlarda adı iştirak ərizəsinə daxil edən 19 yaşlı qapıçı Nicat Mehbalıyevin adını çəkəcəksə, yanılır, elə o da “Bakı”nın yetirməsidir.

Maksim və Qara 2000-ci illərin əvvəlində yetişib, akademiyaya cəlb olunan türk məşqçilərin sayəsində. Bəs sonra? Sonrası yoxdu Tahir bəy. Bir də onu unutmayın ki, son 10 ildə “Qarabağ” Azərbaycan futboluna heç kimi bəxş etməsə də, 10-a yaxın Azərbaycan futbolunun gələcəyi ola biləcək oyunçunun karyerasına ciddi zərbə vurub. Elə Mahirdən danışarkən adını çəkməyi rəva bilmədiyiniz “Bakı”nın yetirmələrindən Bəxtiyar Soltanov, Namiq Ələsgərov, Şərhiyar Əliyev, Hacı Əhmədov, Vüqar Mustafayev məhz “Qarabağ”da ehtiyatda çürüməklə karyeralarınımn üstündən erkən xətt çəkiblər...

FUTBOLXEBER.AZ




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31