19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Millimizin hücumçusu: "Həftəsonu qadağaların olması çempionata təsir edəcək"

"Məşqlərin bərpa olunması bizi sevindirir. Hamı ilk futbola başladığı gün kimi sevinclə çalışır. Komanda üzvləri çox həvəslidir".

Futbolxeber.az saytının məlumatına görə, bu fikirləri "Report"a açıqlamasında "Zirə"nin futbolçusu Ağabala Ramazanov deyib.

27 yaşlı hücumçu məşqlərdə tələb olunan bütün qaydalara əməl ediklərini bildirib. Ramazanov Bakıda həftəsonu tətbiq olunan qadağaya da münasibət bildirib:

"Bu, bizim üçün çox gözlənilməz qərar oldu. Amma nə edə bilərik? Dövlətimizin qanunu hamımız üçündür. Lakin həftəsonu qadağaların olması Premyer Liqanın bərpasına təsir edəcək. Bizə icazə verilən günlərdə maksimum məşq edib hazırlaşmalı, özümüzü və sağlamlığımızı qorumalıyıq".

Premyer Liqa komandalarından yalnız "Qəbələ" bölgədə olduğu üçün məşq edə biləcək. Azərbaycan millisinin də şərəfini qoruyan oyunçu məsələ ilə bağlı bunu söyləyib: "İcazə versəydilər, biz də Qəbələdə qalıb məşq edərdik (gülür).

Forvard xüsusi karantin dönəmində çəki ilə bağlı problem yaşamadığını vurğulayıb: "Kökəlmək mənə yad olan xüsusiyyətdir. Əksinə karantin dönəmində 1 kilo arıqlamışam. Sadəcə hazırda öz formamdan uzağam. İnanıram ki, bu da zamanla düzələcək”. 

Qeyd edək ki, Azərbaycan Premyer Liqasının iyunun 21-də bərpa olunması barədə qərar qəbul edilib. XXI turun oyunları bazar günü keçirilməlidir. Bakı, Sumqayıt, Gəncə, Lənkəran şəhərləri və Abşeron rayonunda həftəsonu qadağalar 6-7 iyun üçün tətbiq edilib və 13-15 iyunda da tətbiqi nəzərdə tutulur.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31