19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Nə oldu, “Neftçi” dağıldı?

VƏ YA MİLLİDƏKİ YERLİ MƏŞQÇİ SÖHBƏTİ BİR DAHA “ÖLDÜ”

Martdan bu yana koronavirus pandemiyasına görə sanki qış yuxuna getmiş Azərbaycan futbolunda son 2-3 gündə canlanma müşahidə olunur. Bu da səbəbsiz deyil. Əvvəlcə məlum oldu ki, iyunun ilk günündən klublarımız məşqlərə başlayacaq, ayın 21-də isə Premyer Liqamız qaldığı yerdən davam edəcək.

Dünən klublarımız hazırlığa start verdilər, PFL isə mövsümün qalan hissəsinin təqvimini açıqladı. Ardınca məlum oldu ki, I divizion və Gənclər Liqasında mövsümün qalan hissəsi oynanılmayacaq və AFFA İcraiyyə Komitəsinin qərarına əsasən, “Turan Tovuz” və “Qəbələ” müvafiq olaraq bu yarışlarda çempion elan edildilər.

Axşam saatlarında isə AFFA-nın icraçı vitse-prezidenti Elxan Məmmədovun açıqlamaları günə damğa vurdu. CBC Sportda “Bizim futbol”un qonağı olan assosiasiya rəhbəri əvvəlcə növbəti mövsüm Premyer Liqada komanda sayının artırılmayacağını bəyan etdi. Bildirdi ki, planda 10 komanda olsa da, hazırkı vəziyyət nəzərə alınaraq növbəti mövsümdə də yüksək dəstədə 8 komandalı çempionat keçiriləcək.

Daha sonra E.Məmmədov millinin baş məşqçi məsələsinə toxundu və bəyan etdi ki, yığmanı çalışdırmağa əsas namizəd olan 3 əcnəbi məşqçi ilə danışıqlar artıq bərpa olunub. Millətlər Liqasının startı yubanmasa, ən geci artıq avqustda yığmamızın yeni çalışdırıcısını adını rəsmən biləcəyik. Bu açıqlama həm də “millini yerli mütəxəssis çalışdıracaq” fikrinin üstündən bir daha xətt çəkdi.

Bayaqdan sadaladıqlarımız haqda günün müxtəlif saatlarında danışılsa da, 1 iyunun əsas müzakirə mövzusu “Neftçi” idi. Hələ srağagün gecədən Donald Geryenin İnstaqram hesabından klubdan gedəcəyini bəyan etməsi, əvvəlcədən Baqali Dabonun klubu tərk etmək üzrə olması anti”Neftçi”liləri hərəkətə keçirdi. Klubun prezidentindən, vitse-prezidentindən, idman direktorundan, baş məşqçisindən, futbolçusundan, tərcüməçisindən, mətbuat xidmətindən incik kim vardısa, hamısı “Neftçi”nin halına “yanan” oldu. Gün ərzində sosial şəbəkələrdə “Amandı qoymayın, “Neftçi” dağıldı” “ağı”sı səsləndi. 2 futbolçunun gedişi ilə sən demə, illərin flaqmanı yerlə yeksan olacaqdı. Bəli, indiki məqamda 2 aparıcı futbolçunun gedişi çempionluq şansı onsuz da çox olmayan “Neftçi”nin işini çətinə salacaq. Amma hadisələrə real gözlə baxsaq, aydın olar ki, birincisi, müqaviləsi bitən futbolçunun klubdan gedişində qeyri-adi nəsə yoxdur. İkincisi də ürəyini meydanda qoymayacaq, özünü yeni klubu üçün qoruyacaq futbolçunun elə meydana çıxmaması daha yaxşıdı. Əslində isə “Neftçi”nin durumunda bəzilərinin iddia etdiyi kimi, faciəvi nəsə yoxdu. Elə dünən günün ikinci yarısında klubdan gələn xəbərlər də hər şeyin qaydasında olduğunu sübuta yetirdi. Əvvəlcə Anton Krivotsyukla müqavilənin daha 1 illiyə uzadıldığı məlum oldu. Sonrada isə “Neftçi”sevərləri sevindirən daha bir xəbər yayıldı: Emin Mahmudov daha 3 il “ağ-qaralar”ın formasını geyəcək. Kapitanla sözləşmənin yenilənməsi həm də 2 futbolçunun gedişi ilə “Neftçi”ni “dəfn edənlərə” “yıxılmaqdıq, ayaqdayıq” mesajı idi...

FUTBOLXEBER.AZ  




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31