İngiltərəli mütəxəssis Azərbaycandan ayrılır

Azərbaycanda stadionların ot örtüyünə qulluq edən Fil Şarples ölkəni tərk etməyi qərara alıb.

Futbolxeber.az saytının məlumatına görə, bu barədə ingiltərəli mütəxəssis sosial şəbəkə hesabı vasitəsilə açıqlama verib.

O, artıq Azərbaycandan ayrılmağın vaxtının gəldiyini bildirib. Şarples gələcək üçün mənalı iş görməyə şübhə ilə yanaşdığını vurğulayıb: "Buradakı 10 ildən sonra vətənə qayıdıram, yeni qapıların açılmasının vaxtı çatıb. Xərclərə qənaət edilməlidir. Görünür, koronavirus sonda məni ələ keçirdi (gülür). Amma bu, heç də pis bir şey deyil".

Qeyd edək ki, Fil Şarples Qəbələ şəhər stadionu, Tofiq Bəhramov adına Respublika stadionu və digər arenalarda ot örtüyünə qulluq edib.