Müvafiq instansiyalar razılıq verdi: Azərbaycan klubları mayın 15-dən məşqlərə başlayır

Uzun müddətdir AFFA rəhbərliyi ilə müvafiq ijnstansiyalar arasında aparılan danışıqlar müsbət yekunlaşıb.

Futbolxeber.az saytının əldə etdiyi məlumata görə, rəsmi olmasa da, qeyri-rəsmi olaraq Azərbaycan klublarına məşqlərə başlamaq razılığı verilib. Artıq mayın 15-dən Premyer Liqa klubları hazırlığı bərpa edəcək. Çempionatın nə vaxt start götürəcəyi isə hələlik bəlli deyil.

Bu xəbərin doğruluğunu təsdiq edən bir məqam da var. Belə ki, AFFA-nın rəsmi saytı az əvvəl hakimlərin koronavirus testindən keçəcəyi haqda məlumat yayıb. Bu məqam da çempionatın tezliklə start götürəcəyinə işarədi.

Qeyd edə ki, ilk olaraq azerifootball.com saytı klubların məşqlərə mayın 15-də başlayacağını, çempionatın isə iyunun 5-də start götürəcəyini yazıb.