"Neftçi"nin prezidenti səxavətli idi"

"Neftçi"nin sabiq baş məşqçisi, hazırda Vyetnam Futbol Federasiyasının texniki direktoru vəzifəsində çalışan Hans-Yurgen Gede ölkənin "Vnexpress” nəşrinə geniş müsahibə verib.

Futbolxeber.az saytının məlumatına görə, o, müsahibə zamanı Bakı klubunda çalışdığı müddət haqda da danışıb. 63 yaşlı mütəxəssis prezidentin onun işinə qarışdığını söyləyib:

"Azərbaycana "Neftçi" işləmək üçün getdiyim gün prezidenti zəngin və səxavətli adam idi. Ancaq o, baş məşqçi olmağı sevirdi. Tez-tez peşəkarların işinə müdaxilə edirdi. Sonra kuliminasiya nöqtəsi oldu. Mənim əlimə bir hücumçu verdi, hansı ki, olduqca bacarıqsız idi. Prezident dedi ki, Yurgen, ona oynamağa imkan ver".

Qeyd edək ki, Hans-Yurgen Gede 2008/2009 mövsümündə "Neftçi"ni çalışdırıb. Həmin vaxt klubun prezidenti Əkbər Hacıyev olub.