28 May 2020, Cümə axşamı
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq
“Qarabağ” rekordçular arasında
Dmitri Nazarovdan növbəti qol

Ölkə futbolu

"Neftçi"nin legioneri: "Mövsümün ləğv olunması düzgün qərar olmaz"

"Neftçi" klubunun serbiyalı futbolçusu Voyislav Stankoviçin müsahibəsi

- Karantin dövründə vaxtınızı necə keçirirsiniz, hansı işlərlə məşğul olursunuz?

- Evdə oturur, fərdi məşqlər edirəm. Fiziki hazırlıq üzrə məşqçimiz proqram göndərib, onun əsasında hazırlaşıram. Artıq 2 aya yaxındır evdəyəm. Açığı, bu vəziyyət məni darıxdırır. Tezliklə karantin dövrü başa çatsın və öz sevimli işimə - futbola qayıdım. Artıq məşq etmək, oynamaq istəyirəm.

- Dediniz ki, evdə oturmaqdan bezmisiniz. Darıxmamaq üçün hansı işləri görürsünüz?

- Müxtəlif seriallara baxırıq. Aralarında serb serialları da var. Maraqlı filmləri izləyirik. Ailəm yanımda olduğu üçün şanslıyam. 2 övladımla oynayıram. Bəlkə də, bu səbəbdən evdə çox darıxmıram. Yalnız futbolsuz qalmaq məni darıxdırır.

- Yəqin ki, Serbiyadakı qohumlarınız, doğmalarınızla əlaqə saxlayırsınız. Orada vəziyyət necədir?

- Əlbəttə, valideynlərimlə danışıram. Orada vəziyyət buradakına nisbətən bir qədər pisdir. 8-9 min yoluxma faktı var.

- Virusa yoluxanlar arasında yaxınlarınız var?

- Xeyr. Xoşbəxtlikdən doğmalarımdan heç kim bu xəstəliyə yoluxmayıb. Çünki onlar da müvafiq qaydalara əməl edir, evdə oturur, ehtiyac olmadıqca küçəyə çıxmırlar.

- Karantin rejimi elan olunmazdan əvvəl ölkənizə getmək barədə düşünürdünüz?

- Bəli, Serbiyaya getmək istəyirdim. Amma virus dünyada çox sürətlə yayıldı. Digər tərəfdən, mənim işim Azərbaycandadır. Pandemiya başa çatana qədər burada qalacağam. Sonrasına baxarıq. Görək, çempionatı başa vurandan sonra bizə vaxt verəcəklər, ya yox. Hələlik buradayam və yenidən futbol oynamağa başlayacağım günü gözləyirəm.

- “Neftçi” ilə müqaviləniz nə vaxt başa çatacaq?

- Mənim gələn ilin yayına qədər müqaviləm var. Hələ “Neftçi”nin futbolçusuyam. Ciddi hazırlaşmaq lazımdır. Ümid edirəm ki, cari mövsüm qalan 8 turu da oynayacağıq. Sonra isə yeni mövsümün hazırlığına başlamalıyıq.

- Avropada futbolçuların məşqlərə maska ilə çıxması gündəmdədir. Azərbaycanda da belə bir qərar qəbul olunsa, münasibətiniz necə olar?

- AFFA belə bir qərar qəbul etsə, UEFA və ya FIFA-nın buna qarışacağını düşünmürəm. Amma maska ilə məşq etmək çətin olar. Çünki futbol fiziki hazırlıq tələb edən oyundur. Bunun üçün çox qaçır, çox məşq edirik. Bu zaman hava ağciyərlərimizə məhz burnumuz vasitəsilə daxil olur. Maska taxsaq, məşq etmək çətin olacaq. Amma qərar verilsə, buna cəhd etməliyik.

- Dünən Azərbaycan mətbuatında “Neftçi”nin karantin qaydalarını pozaraq öz bazasında məşq etməsi ilə bağlı video yayılmışdı. Buna da aydınlıq gətirməyinizi istərdik...

- Hə, bu məlumatı mən də oxudum. Guya, “Neftçi” məşq edib. Təbii ki, qeyri-dəqiq məlumatdır. Heç kim komandanı bir araya toplayıb, məşq keçmək barədə düşünməyib. Çünki hazırda virusla bağlı çox çətin vəziyyətdir. Bu video haradasa 2 ay əvvəl çəkilib. Yadımdadır ki, həmin məşq hansısa oyundan sonra olmuşdu. Yenə deyirəm, yalan məlumatdır.

- Çempionatı başa çatdırmaq mümkün olmasa və hazırkı sıralamaya əsasən “Qarabağ” çempion elan olunsa, bununla barışacaqsınız?

- Çempionatı bərpa etməyin mümkün olmayacağı və qalan 8 oyunun keçirilməyəcəyini desələr, düşünürəm ki, bu, düzgün qərar olmaz. Amma eyni zamanda, heç nə edə bilmərik. Qərarı AFFA qəbul edirsə, bununla razılaşmalıyıq. Şəxsi qənaətimə görə, 8 tur keçiriləcək və bundan sonra kimin çempion olacağı bilinəcək. 8 oyun az deyil, 24 xal deməkdir. Görək, hansı qərar qəbul ediləcək. 


"Report"


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31