19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

“Yayılan informasiya həqiqəti əks etdirmir. Tikinti hara, futbol hara?”

“Millimizin bəzi üzvlərinin tikinti sektorunda işləməyi barədə yayılan xəbərlə tanışam. Hər kəs kimi, mən də bu xəbəri təəccüblə qarşıladım. Təbii ki, yayılan informasiya həqiqəti əks etdirmir. Tikinti hara, futbol hara?”

Futbolxeber.az saytına müsahibəsində bu sözləri qadınlardan ibarət futbol üzrə milli komandamızın baş məşqçisi Siyasət Əsgərov deyib.

Bu gün sportinfo.az saytı yığma üzvlərimizin bir neçəsinin məşğuliyyət sahəsini dəyişdiyi, bəzisinin tikinti sektorunda işləməyə başladığı, daha 2-3 xanımın isə restoranda ofisiant və supermarketlərdə satıcı kimi işə götürülməsi barədə informasiya yayıb.

Yığmamızın çalışdırıcısı yayılan informasiyanın kökündən yanlış olduğunu qeyd edib: “Xəbəri mənə millimizin üzvləri göndərdilər. Mənim kimi onlar da təəccüb içindədirlər. Əlbəttə ki, belə bir şey mümkün deyil. Biz daim milli üzvləri ilə əlaqədəyik. Yığmamın əksər oyunçuları ölkə xaricində çıxış edirlər. Nə onların, nə də ölkə daxilində forma geyən yığma üzvlərinin hər hansı bir çətinliyi yoxdu”.

Siyasət Əsgərov “Bəs, sizcə, bu xəbər nədən qaynaqlanıb” sualımızı belə cavablandırdı: “Mənə də aydın deyil. Bəlkə də karyerasını uzun illər öncə bitirmiş hansısa yığma üzvündən söhbət gedir. Amma hazırda millinin formasını geyən hər hansı bir futbolçunun peşəsini dəyişməsi yalandı. Biz istər ölkə daxilində, istərsə də xaricdə oynayan futbolçularımızı daim diqqətdə saxlayır, hər gün onlarla ünsiyyətdə oluruq. Əgər belə bir şey olsaydı, bu haqda ən birinci mənim məlumatım olardı. Lakin bu, tamamilə yanlış xəbərdi”.

Gənc məşqçi qeyd edib ki, AFFA rəhbərliyi nəinki hazırkı, hətta karyerasını bitirən yığma üzvlərini də daim diqqətdə saxlayır: “Tam əminliklə deyirəm ki, bugünkü gündə hansısa yığma üzvünün çətinlik, maddi sıxıntı səbəbindən peşəsini dəyişməsi qeyri-mümkündü. Çünki AFFA rəhbərliyi daim istər yerli çempionatda, istərsə də ölkə xaricində çıxış edən futbolçuların vəziyyəti ilə maraqlanır. Kiminsə özünün, yaxud ailəsində hər hansı bir çətinlik olarsa, dərhal rəhbərlik tərəfindən məsələ həll olunur. Üstəlik, söhbət təkcə hazırkı yığma üzvlərindən getmir. Karyerasını zədə və yaxud başqa bir səbəbdən başa vuran futbolçular da diqqətdən kənarda qalmır. Bildiyiniz kimi, tez-tez məşqçi kursları təşkil olunur və lisenziya alan yığma üzvləri işlə təmin olunurlar. Kimisi yığmada köməkçi məşqçi, kimisi klubda məşqçi kimi fəaliyyətini davam etdirir”.

S.Əsgərov deyib ki, karantin dövründə o da bütün məşqçilər kimi, futbolçularının fərdi şəkildə çalışmasını yaxından izləyir: “Hamı kimi biz də internet vasitəsi ilə əlaqə qururuq. Mən və köməkçilərim yığma üzvlərinin ən azı fiziki durumlarını qoruması üçün əlimizdən gələni edirik. Komanda üzvləri verdiyimiz proqram vasitəsi ilə fərdi şəkildə məşq edirlər”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31