28 May 2020, Cümə axşamı
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq
“Qarabağ” rekordçular arasında
Dmitri Nazarovdan növbəti qol

Ölkə futbolu

Ağabala Ramazanov: "Bu, oyun ola bilməz"

"Karantin dövrü mənə həyatım boyu öyrəşmədiyim günləri yaşadır. Darıxdırıcıdır, amma riayət etmək borcumuzdur. Çünki bunlar özümüz və ailəmiz üçün atılmış addımlardır".

Futbolxeber.az saytının məlumatına görə, bu fikirləri "Report"a açıqlamasında "Zirə" klubunun futbolçusu Ağabala Ramazanov koronavirusla necə mübarizə aparması barədə danışarkən deyib.

O bildirib ki, infeksiyaya yoluxmamaq üçün bütün mümkün qoruyucu vasitələrdən istifadə edir: "Açığı, evdən çox çıxmıram. Harasa gedəndə də maska, əlcək, spirt, bir sözlə, hamısından istifadə edirəm".

27 yaşlı hücumçunun sözlərinə görə, virusu ciddiyə almamaq doğru deyil: "Belə bir infeksiyanın olduğuna şübhə etmirəm. Hər gün gözümüzün qabağında minlərlə insan dünyasını dəyişir. Bu, oyun ola bilməz. İnanmaq, ailəmizi, özümüzü qorumaq lazımdır".

Hazırda Avrasiya materikində yalnız Belarus və Tacikistanda futbol çempionatları keçirilir. A.Ramazanov "Bu ölkələrdən təklif alsanız, gedib oynayarsınız" sualına belə cavab verib: "Hələ futbol haqqında o qədər də fikirləşmirəm. Ümid edirəm ki, tezliklə bütün dünya bu virusdan canını qurtaracaq. Ondan sonra karyera barədə düşünməyə dəyər".

Təcrübəli futbolçu Koronavirusla Mübarizəyə Dəstək Fonduna pul köçürmədiyini də əlavə edib.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31