5 Aprel 2020, Bazar günü
“Qəbələ”: 78 penaltidən 61-i qol olub
UEFA: Çempionatlar yekunlaşdırılsın
PFL gülüş gününü belə xatırlatdı
FİDE reytinqi: Şəhriyar gerilədi

Ölkə futbolu

Qurban Qurbanov: “Rəşad keçən il karyerasını bitirmək istəyirdi, mən qoymadım”

“Futbolçularımı təbrik edirəm. Çox yaxşı oyun oldu. Hər iki komanda mübarizə apardı. Get-gedə hər bir komandanın oyununda inkişafı görürük. Hər oyuna belə motivasiya, istəklə çıxmalıyıq”.

Futbolxeber.az saytının məlumatına görə, bu sözləri "Qarabağ"ın baş məşqçisi Qurban Qurbanov Premyer Liqanın 20-ci turunda "Keşlə"yə qalib gəldikləri oyundan (2:0) sonra mətbuat konfransında deyib. Ardınca təcrübəli mütəxəssis jurnalistlərin suallarını cavablandırıb:

- Son oyunlarda Aylton Silvanı əvəzləyir və Maksim Medvedevi sol cinaha keçirirsiz. Bu, Ayltonun gedişinə hazırlıq məqsədi daşıyır?

- İkinci oyundur belə edirik. Aylton bir matçı cəza səbəbindən buraxmışdı. Performansı 90 dəqiqə oynamağa çatmır. Ona görə ikinci hissədə çatdırmadığı hiss olundu. Maksim dəfələrlə orda oynayıb. Başqa bir səbəbi yoxdur.

- Bu gün Abdullah Zubiri hücumun arxasında oynadırdınız. Bu eksperimentin effektiv alındığını düşünürsüz?

- Bu gün mövqe dəyişikliyi etmişdik. Əvvəl də bəzi matçlarda belə yerdəyişmə olub. Bu gün sırf rəqibə görə belə addım atdıq. Zubirə qarşı müdafiəçilər daha sərt, yaxın oynayırlar. Ona sərbəstlik vermək istəyirdik. Özünü pis göstərmədi.

- Bu günlərdə müzakirə olunur ki, Rəşad Sadıqov mövsümün sonunda karyerasını başa vuraraq məşqçiliyə başlayacaq. Yayılan xəbərlər nə dərəcədə həqiqəti əks etdirir? Onunla bu barədə danışmısınız?

- Rəşad keçən il karyerasını bitirmək istəyirdi, mən qoymadım. Hətta ona 2 illik müqavilə təklif etdik. Özü razı olmadı. Bir il də oynayıb tamamlamaq istəyirdi. Qərara gədik ki, bu mövsüm oynayıb, sonra karyerasını bitirsin. Onu son ildə mən saxlamışam ki, oyununu davam etdirsin.

Rəşadın adının milli ilə hallanması məni sevindirir. Futbolda böyük əziyyəti olan insana belə hörmət edilməsi və inanılması sevindiricidir. Onun böyük potensialı var. Bunu hamınız bilirsiz. Həm futbolçu kimi, həm məşqçi kimi belədir. Bizim futbolçularımızın və məşqçilərimizin yaxşı yerlərdə oynamasına ancaq sevinirik. Potensiallı insanlara güvənmək mənim üçün xoşdur.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30