29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Elmar Baxşıyev: “Bu komanda oynamağı bacarır”

“Qış fasiləsindən sonra həm biz, həm də “Zirə” çətin durumda idik. Lakin göstərdiyimiz futbol qarşıda daha yaxşı çıxış edəcəyimizə inam verirdi. Sadəcə nəticələr yox idi. Nümayiş olunan oyun məni də, bütün məşqçilər korpusunu da qane edirdi. İnanırdıq ki, şans da bizim tərəfimizdə olacaq".

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Premyer Liqanın 19-cu turunda bu gün səfərdə "Zirə" ilə keçirilən matçdan sonra mətbuat konfransında deyib.

O, 2:1 hesablı qələbəni belə şərh edib: "Sevinirik ki, bu oyunda istədiyimizi meydanda görə bildik. Matçı hissələrə bölməzdim. İlk yarıdakı oyundan çox məmnun qaldım. Verilən tapşırıqlar daha yaxşı icra olunurdu. Fasilədən sonra riskli oynamağa ehtiyac yarandı. Hesabda geridə idik. Komandanın üzərinə daha çox yük düşürdü. Sevinirəm ki, futbolçular bunun altından yaxşı çıxdılar. Abdelrafik Jerar məşqdə zədəli olduğu üçün meydana çıxmadı".

E.Baxşıyev komandaya yeni qoşulan futbolçuların tədricən uyğunlaşdığını və getdikcə daha yaxşı çıxış edəcəklərini bildirib: "Bu komanda oynamağı bacarır, potensialı var. Qışa qədər necə təhlükəli, necə baxımlı oynaya bildiyimizi göstərdik. Fasilədə bizi tərk edənlər oldu. Onların yerinə gələnlər elə vaxt qoşuldular ki, müəyyən vaxta ehtiyac var idi. İnanıram ki, getdikcə komanda daha yaxşı olacaq və məzmunlu oynayacaq. Rasim Ramaldanov artıq komanda ilə məşq edir. Altı ay meydandan kənarda qaldığı üçün ona da vaxt lazımdır”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31