29 Mart 2020, Bazar günü
Rüştü də koronavirusa yoluxdu
AFFA-dan veteranlara dəstək
Millimizin 2 üzvü karantinə alındı
“Azərbaycanda çox yer bağlıdır”

Ölkə futbolu

“Azərbaycanda bir komandaya keçəcəkdimsə, bu, yalnız “Sabah” ola bilərdi”

Millimizin futbolçusu Ramil Şeydayev “Sabah”a transferini təsdiqləyib.

Futbolxeber.az saytının məlumatına görə, 1news.az-a müsahibəsində 23 yaşlı hücumçu deyib ki, bu qərarı doğru hesab edir: “Uzun vaxt idi oynamırdım. Mənim böyük iddialarım və “Sabah”dan gözləntilərim var. Azərbaycanda bir komandaya keçəcəkdimsə, bu, yalnız “Sabah” ola bilərdi. Klub rəhbərliyi ilə uzun müddətdir danışıram və onlara söz vermişdim ki, Azərbaycana qayıtsam, yalnız “Sabah”ı seçəcəyəm. Klubun layihələri ilə yaxşı tanışam. Deyə bilmərəm ki, bu mövsüm bütün oyunlarını izləmişəm. Amma baxmışam. Hiss edirəm ki, “Sabah”a kömək edə bilərəm. Kimsə əsas heyətdə oynayacağıma təminat verə bilməz. Mütləq öz üzərimdə işləməli və nəyə qadir olduğumu göstərməliyəm”.

Şeydayev komanda seçiminin niyə uzun çəkməsi barədə də danışıb: “Təkliflər var idi. Bir tərəfdən bəzi klublara keçidim alınmadı. Digər tərəfdən bəzi yerlərə özüm getmək istəmədim. “Dinamo”dakı karyerama gəlimcə, indi bunu şərh etmək istəməzdim. Fikrimcə, 2019-cu ili pis keçirmədim. Bəzən alındı, bəzən isə yox. Amma hər şey Allahdan asılıdır. Deməli, qismət belə imiş”.

Bununla belə, Şeydayev bildirib ki, yayda xaricdə özünə yeni klub tapmaq fikrindədir: “Hər şey bu mərhələni necə keçirəcəyimdən asılıdır. Amma Azərbaycanda çox qalmaq istəmirəm”.

Xatırladaq ki, Şeydayevin son klub Moskva “Dinamo”su olub. O, “Sabah”a azad agent kimi keçib. Hələlik klub transferin müddəti barədə rəsmi açıqlama verməsə də, onun mövsümün sonuna qədər Azərbaycanda oynayacağı bildirilir.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2020
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31