Azərbaycan U-23 millisi yaradılmayacaq

AFFA-nın icraçı vitse-prezidenti və baş katibi Elxan Məmmədov futbol üzrə U-23 millimizin yaradılması ilə bağlı məsələyə münasibətini bildirib.

Futbolxeber.az saytının məlumatına görə, bu gün Azərbaycan Radiosunun səhər efirinin qonağı E.Məmmədov deyib:

“İK iclasında belə bir fikir səsləndirildi. Amma bu ideya təsdiqlənmədi. Konkret mənim fikrimi bilmək istəyirsinizsə, məncə, U-23 milli yaratmağa ehtiyac yoxdur. Çünki 22 ya da 23 yaşlı futbolçu əsas millidə oynamalıdır. Hal-hazırda bizim milli komandamızda hər rəsmi oyunda ən azı 2 nəfər bu yaşda futbolçu olur. Bu təklif bizim sistemə uyğun gəlmir. Onsuzda Premyer Liqada limit var. Ona görə də bu məsələ gündəmimizdə deyil”.