Bu dəfə millimiz gürcülərə qalib gəldi

Tbilisi şəhərində təlim-məşq toplanışında olan 19 yaşadək qızlardan ibarət Azərbaycan milli komandası növbəti yoldaşlıq oyununu keçirib.

Futbolxeber.az saytının məlumatına görə, Gürcüstanın eyni yaş qrupundan ibarət komandası ilə qarşılaşan yığmamız 1:0 hesablı qələbə qazanıb. Millimizin heyətində Nisrina Zeriul fərqlənib.

Xatırladaq ki, bu komandalar arasında iki gün əvvəl keçirilmiş oyunda Gürcüstan yığması 1:0 hesabı ilə qalib gəlmişdi (affa.az).