28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Nazim Süleymanovun qurumundan ittiham: AFFA otelə “yağış yağdırıb”?

FİRUZ ABDULLA: “ADIÇƏKİLƏN OTELİN AFFA İLƏ HEÇ BİR ƏLAQƏSİ YOXDU”

Bu gün Nazim Süleymanovun yaratdığı Futbol İctimaiyyətinin Azad Həmkarlar İttifaqının keçirməsini nəzərdə tutduğu mətbuat konfransı baş tutmayıb.

Futbolxeber.az saytının məlumatına görə, tədbir son anda təxirə salınıb. Nazim Süleymanov jurnalistlərə deyib ki, otelin rəhbərliyi texniki səbəblərlə əlaqədar tədbirin keçirilməsinin mümkün olmayacağını bildirib. Lakin N.Süleymanov problemin yaranmasında AFFA-nın rolu olduğunu deyib.

Qurumun nümayəndəsi Anar Xanlarov isə qol.az-a deyib ki, oteldən onlara konfrans salonuna su damdığını deyiblər: “Amma biz belə bir şey müşahidə etmədik. Bizə elə gəlir ki, otelə AFFA tərəfdən təzyiq olub. Əvvəlcədən razılıq olmuşdu. Otelə beh də vermişdik. Hazırda konfransında başqa oteldə keçirilməsi üçün danışıqlar gedir”.

AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla futbolpress.az-a açıqlamasında bildirib ki, AFFA-nın tədbirin keçirilməsi nəzərdə tutulan “Altus” oteli ilə heç bir əlaqəsi yoxdur:

“Əvvəla qeyd edim ki, bu təşkilatın adında AFFA-nın adından istifadə edilməsinin heç bir hüquqi əsası yoxdu. Biz daha əvvəl də rəsmi sayt vasitəsilə mövqeyimizi ifadə etmişdik. Yenidən eyni məsələlərə qayıtmaq istəmirəm. Konkret bugünkü tədbirə gəlincə, mən məsələni sosial şəbəkədən öyrəndim. Adıçəkilən otelin AFFA ilə heç bir əlaqəsi yoxdu. Bizim idarəçiliyimizdə olan hər hansı inzibati binada keçirilsəydi, o zaman AFFA-nın adını çəkə bilərdilər. İndiki halda bunun assosiasiya ilə heç bir əlaqəsi yoxdu. Digər tərəfdən, Nazim Süleymanov Azərbaycanın ən tanınmış futbolçularından biri olub, məşqçi kimi yığma komandalarımızda fəaliyyət göstərib, heç vaxt arada hər hansı narazılıq, problem olmayıb. Əgər o müraciət etsəydi ki, biz tədbir keçirmək istəyirik, yer problemimizi həll edin, AFFA bundan imtina etməyəcəkdi. Federasiyanın idarəçiliyində olan hər hansı binada və ya stadionda biz onlara yer verərdik. Ancaq təbii ki, Həmkarlar İttifaqının adında AFFA-nın işlədilməməsi şərtiylə”.

Nazim Süleymanov hələ Həmkərlar İttifaqnın təsis konfransında AFFA-ya müraciət edəcəklərini, federasiyadan yer istəyəcəklərini bildirmişdi. Maraqlıdı, İttifaqdan AFFA-ya hər hansı müraciət olubmu?

“Həmin konfransdan bir müddət sonra AFFA prezidentinə məktub ünvanlanmışdı. Mətni dəqiq xatırlamıram, ölkə futbolundakı ümumi məsələlərdən bəhs edilirdi və səhv etmirəmsə, orda yer məsələsi də qeyd olunmuşdu. Ancaq bir şey də var ki, buna qədər AFFA-nın baş katibi Elxan Məmmədovla Nazim Süleymanovun görüşü olmuşdu. Orda deyilmişdi ki, əgər bir təşkilat yaradılırsa və AFFA-dan dəstək istənirsə, rəsmi qaydada müraciət edilsin, sənədlər təqdim olunsun. Bu, protokol qayda ilə belədi. Ancaq nə o zaman, nə də daha sonra hər hansı sənəd təqdim edildi. Səhv etmirəmsə, buyaxınlarda Nazim Süleymanov mətbuata açıqlamasında bildirib ki, biz niyə AFFA-ya sənəd təqdim etməliyik ki? Belə bir paradoksal vəziyyət yaranıb”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31