Ekşteyn “Sabah”ı “Səbail”ə dəyişdi

Ötən ay “Sabah”dan ayrılan Hendrik Ekşteyn karyerasını yenidən ölkəmizdə davam etdirəcək.

Futbolxeber.az saytının məlumatına görə, Cənubi afrikalı yarımmüdafiəçi “Səbail”ə transfer olunub. Onunla 1.5 illik müqavilə imzalanıb.

Qeyd edək ki, 28 yaşlı futbolçu ötən ilin avqustundan dekabrına qədər “Sabah”da  çıxış edib. O, bu mövsüm keçirdiyi 16 oyunda (13 Premyer Liqa, 3 ölkə kuboku) 3 qol vurub.