“Sabah” əvəzedicilərlə heç-heçə oynadı

Antalyada təlim-məşq toplanışına davam edən “Sabah” bu gün daha bir yoxlama oyunu keçirib.

Futbolxeber.az saytının məlumatına görə, Jelko Sopiçin komandası Rusiyanın “Spartak” klubunun əvəzediciləri ilə qarşılaşıb. Görüş 2:2 hesabı ilə başa çatıb. Bakı klubunun qollarına Marko Deviç və Ceyhun Nuriyev imza atıb.

Qeyd edək ki, "Sabah" bundan əvvəlki yoxlama matçlarında "Kaysar"a (Qazaxıstan) 3:1 hesabı ilə qalib gəlib, “Akademika Klinçeni" (Rumıniya) ilə qolsuz bərabərə qalıb, “Pakş”a (Macarıstan) 0:2 hesabı ilə uduzub.