18 Yanvar 2020, Şənbə
“Keşlə” almanlarla bacarmadı
Monroz “Neftçi”yə qoşuldu
Anqolalı hücumçu “Keşlə”də
Marko Deviç yenidən “Sabah”da

Ölkə futbolu

Elmar Baxşıyev: “Göstərmək istəyirik ki, biz də varıq”

"Qəbələ"nin baş məşqçisi Elmar Baxşıyev Azərbaycan Kubokunun 1/4 final mərhələsində "Sabah"ı evdə 3:0 hesabıyla məğlub etdikləri matçdan sonra mətbuat konfransı keçirib. Futbolxeber.az-ın sport24.az-a istinadən verdiyi məlumatab görə, gənc mütəxəssis əvvəlcə qarşılaşmanı dəyərləndirib.

- Çətin olacağını bilirdik. Çünki kubok fərqli turnirdi. Etibarlı oynamağa çalışdıq. Bəzi epizodlarda istədiyimizi həyata keçirə bildik. Ancaq oyundan tam razı qalmadım.

- Komanda bu hesabdan sonra özünü yarımfinalda hiss edə bilərmi?

- Deməzdim. Şanslar yenə bərabərdi. Kubokda hər bir sürpriz ola bilər. Komandanı çətin cavab matçına kökləyəcəyik.

- İkinci hissədə 2:0-dan sonra müdafiəni gücləndirməyərək daha bir hücumçu meydana buraxdınız. Hiss edirdiniz ki, "Sabah"a 3-cü qolu da vurmaq olar?

- Sırf Ülvini daxil etməklə müdafiənin gücləndirmək fikirmiz yox idi. "Sabah" bütün qüvvəylə hücum edirdi və bu zaman əks-hücumlarda yaxşı şanslarımız yaranırdı.

- Yeri gəlmişkən, 2-ci matçdır qırmızı vərəqə alırsınız. Nə baş verir?

- Heç nə. Adi oyun epizodu, mübarizədi. Bilərəkdən kimsə qırmızı vərəqə almır. Normal sayıram.

- Komandanız ikinci hissəyə pis başladı. Uzun müddət inamsız təsir bağışladınız. Bu, hesaba görə arxayınlaşmayla bağlı idi?

- Normaldı belə şeylər. Rəqib təzyiq edir və bunu gözləmək olardı. "Sabah"ın ikinci hissədə böyük qüvvəylə hücum edəcəyini gözləyiridk. Buna görə müdafiədə tələskənlik yaranırdı.

- Kristian Kuaku çoxdan oynamır. Belə demək olarmı ki, yanvarda o gedəcək?

- Hələ yanvar barəsində fikirləşməyək. Gəlin tələsməyək, çünki bu il hələ bir matçımız da var. Görürsünüz ki, bütün futbolçulara şans veririk. Start heyətdə oynamağa ən layiqli olanlar meydanda olur.

- Son oyunlarda yaşamaq uğrunda mübarizə aparırsınız, sanki son döyüşə çıxırsınız. Bu inamlı qələbələr nəyəsə ümid verə bilərmi?

- Bu klub yaşamalıdı, Azərbaycan futboluna lazımdı. "Qəbələ"ni futbolumuzun etalonu, flaqmanı hesab edirəm. Avropada da tanınmış klubdu, nəticələri olub. Hamısı peşəkar futbolçulardı. Sırf nəticəyə köklənirlər. Göstərmək istəyirik ki, biz də varıq, kiməsə nəyisə sübut etmək istəmirik.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31