20 Yanvar 2020, Bazar ertəsi
"Qəbələ"dən böyükhesablı qələbə
"Səbail" "Olimpik"ə də uduzdu
“Qarabağ” məğlubiyyətdən qaçdı
“Sumqayıt” bu dəfə heç-heçə etdi

Ölkə futbolu

“Sabah”ın baş məşqçisi od püskürdü: “Mən axmağam?”

Azərbaycan Premyer Liqasının XIV turunda “Neftçi”ni qəbul edən “Sabah” meydanı məğlub tərk edib - 0:2. Futbolxeber.az saytının məlumatına görə, oyunsonrası mətbuat konfransında “Sabah”ın baş məşqçisi Jelko Sopiç məğlubiyyəti belə şərh edib:

“Daha yaxşı çıxış edə bilərdik. Buraxılan ilk qola şərhim yoxdu. Əlavə edilmiş dəqiqədə standart vəziyyətdən buraxdıq. Rəqib daha yaxşı idi. Standart vəziyyət zamanı rəqibin birinci dirəkdə təhlükəli olduğunu demişdik. “Neftçi” və “Qarabağ”a bu qədər qol şansı veririksə, ya onlar çox keyfiyyətlidilər, ya da biz keyfiyyətsiz. Əcnəbilərimiz bizə daha çox xeyir verməlidilər”.

- Ölkənin ən güclü iki komandasına qarşı oynadınız. “Sabah” nəyə qadirdi?

- Bu barədə nəsə deməyim düz olmaz. Bu mövzuya girsəm, gərək məndən öncə çalışanlar barədə də danışım. Oyunlara baxmısınızsa, siz özünüz hər şeyi görmüsünüz.

- Qış fasiləsində heyətdə neçə faiz dəyişiklik etməyi planlaşdırırsınız?

- Qışda nəsə dəyişikliklər etməliyik. Bunu görmək üçün məşqçi olmağa ehtiyac yoxdu. Adi azarkeş də bunu hiss edir. Kluba gələrkən mənə dedilər ki, filan futbolçu top səviyyədədi. Bilmirəm mən axmağam? Mənim kifayət qədər təcrübəm var. Qış fasiləsindən sonra əsas komandada Şakir kimi 7-8 oyunçum olacaq. O, məşqdə əlindən gələni edir. Pul mənim komandamda heç vaxt önəmli rol oynamayacaq.

- Filip İvanoviç əvvəllər müdafiənin mərkəzində oynayırdı, siz onu dayaq yarımmüdafiəçisi mövqeyinə çəkdiniz. Onu bu mövqedə görürsünüz?

- Gəlməzdən əvvəl komandanın bütün oyunlarına baxmışdım. İstəmirəm ki, rəqibin 10, mənim 3 qol şansım olsun. Göyə, Allaha və qapıçının ümidinə qalmaq istəmirəm. İlk olaraq mərkəzi bağlamalıyıq. Filip mərkəz müdafiəçisi deyil, amma başqa variant olmayanda onu orda oynatmalısınız.

- Dediniz ki, sizin üçün pul böyük rol oynamır. Amma dəyişikliklər üçün pul lazım olacaq. Rəhbərlik sizə bu təminatı verib?

- Əgər əcnəbi futbolçu meydanda mənə istədiyimi verməyəcəksə, 10 azərbaycanlı ilə oynayacam.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31