Krivotsyuk: “Çempionluq uğrunda mübarizəni davam etdiririk”

“Neftçi”nin müdafiəçisi Anton Krivotsyuk Premyer Liqanın 14-c turunda bu gün "Sabah”la keçirilən oyundan (2:0) sonra klubun rəsmi saytına açıqlama verib.

Futbolxeber.az-ın məlumatına görə, ilk qolun müəllifi olan gənc futbolçu bu qələbənin psixoloji baxımdan da əhəmiyyətli olduğunu bildirib:

"Asan qələbə olmadı. Yaxşı ki, qalib gəldik. Psixoloji baxımdan da əhəmiyyətli qələbədir. Çempionluq uğrunda mübarizəni davam etdiririk. Vurduğum qola gəlincə, topa başla zərbə endirmək anı yetişəndə, bunu hiss edirəm. Azərbaycan kuboku uğrunda mübarizədəki rəqibimiz asan deyil. Bununla belə, "Sumqayıt”a qalib gəlib mərhələ adlayacağımıza inanıram”.