18 Yanvar 2020, Şənbə
“Keşlə” almanlarla bacarmadı
Monroz “Neftçi”yə qoşuldu
Anqolalı hücumçu “Keşlə”də
Marko Deviç yenidən “Sabah”da

Ölkə futbolu

Kazbek Tuayev: “Özünü insanların hüquqlarının müdafiəçisi kimi təqdim etmək lazım deyil”

AFFA İcraiyyə Komitəsinin üzvü, veteran futbolçu Kazbek Tuayev Nazim Süleymanovun rəhbəri olduğu AFFA Həmkarlar İttifaqı adlanan qurum barədə danışıb.

Futbolxeber.az saytının məlumatına görə, football24.az-a açıqlamasından Tuayev Həmkar İttifaqının AFFA prezidenti Rövnəq Abdullayevə müraciətinə toxunub:

“Bu günlərdə özünü AFFA Həmkarlar İttifaqı adlandıran - bu adın özü adamı qəribə düşüncələrə dalmağa vadar edir - belə demək mümkünsə, təşkilatın Azərbaycan Futbol Federasiyaları Assosiasiyasının rəhbərliyinə müraciətini oxudum. Futbol veteranı, bu sahədə fəaliyyət göstərən biri kimi məndə dərhal belə bir sual yarandı: nəyə görə özünü sabiq futbolçuların, bu sahəyə, yəni futbola bu və ya digər şəkildə aiddiyyəti olmuş və hazırda da futbolda fəaliyyət göstərən şəxslərin hüquqlarının müdafiəçisi kimi təqdim edən bir təşkilat AFFA-ya birbaşa deyil, mətbuat vasitəsilə müraciət edir?!

Yaxşı xatirimdədir ki, təxminən 2 ay əvvəl assosiasiyanın saytında bu təşkilatla bağlı bəyanat dərc olunmuş və orada detallı şəkildə, hüquqi dillə göstərilmişdi ki, nəyə görə özünü təşkilat adlandıran bu qurumun AFFA-nın adını özünə pərçimləyərək fəaliyyət göstərməsi üçün heç bir hüquqi əsası yoxdur.

Nazim Süleymanov gözəl futbolçu olub, müxtəlif turnirlərdə uğurlu çıxışı ilə bizi hər zaman sevindirib. Lakin futbolçu karyerasını başa vurduqdan sonra məşqçi olaraq işləri heç də yaxşı alınmadı. Bəli, bir neçə klubda, Azərbaycan milli komandasında, müxtəlif yaş qruplarından ibarət millilərdə işlədi. Hər yaxşı futbolçu heç də həmişə yaxşı məqşçi olmağı bacarmır. Ya da əksinə, bəzən o qədər də zəngin futbolçu karyerasına malik olmayan biri çox güclü mütəxəssis ola bilir. Amma düşünürəm ki, Süleymanov üçün heç də hər şey bitməyib. O, uşaq-gənclər futbolunda fəaliyyət göstərə, uşaq və yeniyetmələrimizə futbolun sirlərini öyrədə bilər. Heç bir işlə məşğul olmadan, heç bir əsasa söykənmədən futbol xadimi kimi davranmaq, özünü insanların hüquqlarının müdafiəçisi kimi təqdim etmək lazım deyil. Ələlxüsus, o insanların belə müdafiəyə ehtiyacı olmadığı halda...

Futbolçuların və məşqçilərin AFFA-nın işçisi olmadığını, onların assosiasiya ilə əmək müqaviləsinin olmadığını dərk etmək bu qədərmi çətindir?! Qeyd etdiyim kimi, AFFA-nın bəyanatında bu barədə ətraflı yazılıb və detallara varmaq istəmirəm. AFFA İcraiyyə Komitəsinin üzvü olaraq məlumatım var ki, baş katib Elxan Məmmədov təxminən 3 ay əvvəl Nazim Süleymanovu nümayəndə heyəti ilə birgə qəbul edib. Həmin heyətə, yumşaq desək, futbol keçmişi heç də şəffaf olmayan bəzi şəxslərin də daxil olduğunu bilirəm. Baş katib görüşə gələnləri dinlədikdən sonra xahiş edib ki, müvafiq hüquqi sənədlər təqdim olunsun. 3 ay keçib... və sənədlər barədə hələ də xəbər yoxdur. Hesab edirəm ki, AFFA-ya anlaşılmaz üsullarla müraciət etmək əvəzinə, sənədləri təqdim etmək lazım idi. İcraiyyə Komitəsinin üzvü olaraq, Nazim Süleymanovun digər futbol veteranları ilə münaqişə yaratmasını yolverilməz hesab edirəm.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31