19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Zaur Axundov: “Uğursuzluq olanda AFFA-ya qarşı təzyiqlərin artması normaldı"

AFFA İcraiyyə Komitəsinin üzvü Zaur Axundov milli komandamızın bu gün Avro-2020-nin seçmə mərhələsi çərçivəsində Slovakiyaya qarşı keçirəcəyi oyundan danışıb.

Futbolxeber.az saytının Bratislavaya ezam olunmuş əməkdaşına verdiyi müsahibədə Z.Axundov Slovakiya ilə görüşdə komandamızdan baxımlı oyun gözlədiyini bildirib: “Bütün qruplara baxdıqda görürük ki, əsl “ölüm qrupu” bizim qrupdu. Son tur öncəsi 3 komandanın ikinci yeri tutmaq şansı hələ də qalır. Milli komandamızdan Slovakiya ilə görüşdə yaxşı oyun gözləyirik. Seçmə mərhələnin son matçıdı. İstərdik ki, millimizin timsalında baxımlı oyun görək”.

Zaur Axundov qeyd edib ki, yığmamızın seçmə mərhələdə cəmi 1 xal qazanmasının bir səbəbi də qrupdakı komanda sayıdır: “İdmanda bəxt amili rol oynayır. Bizdən başqa qrupumuzda daha 4 rəqib var. Amma əksər qruplarda 5 deyil, 6 komanda mübarizə aparır. Biz də istəməzdik ki, yığmamız cəmi 1 xal toplasın. Amma bu mərhələ artıq bitmək üzrədi. Bundan sonra gələcəyə baxmalıyıq. İndi bütün diqqətlər Slovakiya ilə oyuna yönəlib. Qrupumuzun çox güclü olması millimizin çıxışına təsir göstərir. Özünüz də görürsünüz ki, 2 vəsiqə uğrunda Xorvatiya, Slovakiya, Macarıstan və Uels arasından əsl müharibə gedir”.

İcraiyyə Komitəsinin üzvü milli komandamızın baş məşqçisi Nikola Yurçeviçin yığmadakı fəaliyyətinə ilin sonunda qiymət veriləcəyini vurğulayıb: “İlin sonunda İcraiyyə Komitəsinin iclası olacaq. 2019-cu ilin yekunları müzakirə ediləcək ki, Nikola Yurçeviçin də millimizdəki gələcək taleyinə həmin toplantıda aydınlıq gələ bilər. Baş məşqçi seçmə mərhələ ilə bağlı hesabat verəcək. Komandamızın nəticəsi göz önündədi. Amma gəlin etiraf edək ki, bu gün millimizin çalışdırıcısı Yurçeviç yox, lap dünyanın ən yaxşı məşqçisi də olsaydı, bu cür güclü rəqiblərin yer aldığı qrupda uğur qazanmaq komandamız üçün çox çətindi. Hazırda əsas olan bugünkü oyundu. Yurçeviç futbolçuları toparlamalı və komandanı uğurlu nəticəyə kökləməlidir. Yurçeviç getsə də, qalsa da, bu milli bizimdi”.

Z.Axundov son vaxtlar AFFA-ya qarşı təzyiqlərin artması ilə bağlı sualı da cavablandırıb: “Uğursuzluq olanda AFFA-ya qarşı təzyiqlərin artması normaldı. Nəticələrə uyğun olaraq təzyiqlər arta da bilər, azala da. Əsas odur ki, haqlı, qərəzsiz tənqidlər olsun. Bilirik ki, bizi tənqid edənlərin də, dəstək verənlərin də hamısı millimizin uğur qazanmasını istəyir. Tənqidsiz iş olmaz. Mən idman jurnalistlərimizə təşəkkür etmək istərdim. Çünki haqlı tənqidlər, düzgün məsləhətlər komandamızın inkişafına xidmət edir. Azərbaycan futbolunun inkişafını ürəkdən istəyən hər kəs bizimlə birgə kədərlənir də, sevinir də. Bir sözlə, demokratik ölkədə yaşayırıq və haqlı tənqidlərin olması normaldı”.

Söhbətləşdi: İBRAHİM, Bratislava




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31