Toşak: "Qələbəyə layiq idik"

"Bu gün yaxşı oynadıq. Bu səbəbdən də 1 xal qazanmadıq, 2 xal itirdik. "Neftçi" 1 xal qazanıbsa, buna görə sevinməlidir". Futbolxeber.az-ın məlumatına görə, bu sözləri "Neftçi" ilə oyundan sonra "Xəzər Lənkəran"ın baş məşqçisi Toşak deyib.

Uelsli mütəxəssis matçın idarəçiliyindən narazı qalıb: "Qarabağ"a qarşı keçirilən oyunda ilk hissədə bərbad oynamışdıq. Amma ötən oyunda olduğu kimi, bu gün də fasilədən sonra daha yaxşı təsir bağışladıq. Hesab edirəm ki, qələbəyə layiq idik. Sadəcə olaraq qol vura bilmədik. Hakimliyi çox aşağı səviyyədə qiymətləndirirəm. Referi "Neftçi"nin sol cinah müdafiəçisinə qırmızı vərəqə göstərməliydi. Lakin bunu etmədi. O ki qaldı Nildoya, düzdür, qol vura bilmədi. Amma Nildo ən azından qol epizodu yaxalayır. Qol vurmaq üçün şans qazanırsa, deməli qabında nəsə var. İnanıram ki, gələn oyunlarda o fərqlənəcək".