15 Dekabr 2019, Bazar günü
Futbolumuzun köhnə-yeni xəstəliyi
Balayev üçün erməni baş məşqçi
İrina Kindzerskayadan gümüş medal
Rüfət Dadaşovdan növbəti qol

Ölkə futbolu

50-ci böyükhesablı qələbə

“Qəbələ” 2019/20 mövsümündə ilk böyükhesablı qələbəsini qazanıb.

Futbolxeber.az saytının məlumatına görə, bu, Azərbaycan Premyer Liqasının XI turuna təsadüf edib. “Qırmızı-qaralar” ev oyununda “Səbail”in qapısından üç cavabsız top keçirib.

Bu qələbə komandanın tarixində 50-ci böyükhesablı qələbə olub. Yubiley uğuruna imza atan “Qəbələ” ilk belə qələbəsini 2005/06 mövsümündə əldə edib. Birinci dəstədə “Göy-Göl” (Xanlar) adı ilə çıxış etdiyi vaxt komanda ilk oyununda “Şərur”un qapısından 8 cavabsız top keçirib.

Böyükhesablı qələbələrdən 29-u Premyer Liqa, 11-i Birinci dəstə, 9-u Azərbaycan kuboku, 1-i Avropa Liqasına təsadüf edib.

“Qırmızı-qaralar” evdə 33, səfərdə 17 dəfə böyük hesabla qalib gəlib.

“Qəbələ” hər mövsümdə ən azı 1 dəfə üç və ya daha çox fərqlə qələbə qazanıb: 2005/06 - 12, 2006/07 - 2, 2007/08 - 1, 2008/09 - 5, 2009/10 - 1, 2010/11 - 3, 2011/12 - 4, 2012/13 - 1, 2013/14 - 3, 2014/15 - 3, 2015/16 - 5, 2016/17 - 4, 2017/18 - 4, 2018/19 - 1, 2019/20 - 1.

“Qəbələ” 9 müxtəlif nəticə ilə böyükhesablı qələbə əldə edib. “Səbail”lə matçdakı hesaba daha çox təsadüf olunub: 3:0 - 23, 4:0 - 8, 4:1 - 7, 6:0 - 4, 8:0 - 3, 5:1 - 2, 5:2, 6:1, 7:0 - 1.

“Qəbələ”nin üç və ya daha çox top fərqilə qazandığı qələbələr 29 rəqiblə oyunlarda əldə olunub: MOİK, “Muğan”, “Neftçi”, “Rəvan” - 3, AZAL, “Bakı”, “Energetik”, “Gənclərbirliyi-2”, “Kəpəz”, “Mil-Muğan”, “Şahdağ” Quba, “Səbail”, “Şərur”, “Simurq”, “Sumqayıt”, “Xəzər Lənkəran”, “Zirə” - 2, “Ağsu”, “Bakılı”, “Ədliyyə”, “Gənclərbirliyi”, “Keşlə”, “Karvan”, “Neftçala”, “Rote Fahne”, “Şahdağ-2” Os, “Samtredia”, “Viləş”, “Yeni Yevlax” - 1.

Qəbələ şəhər stadionundakı oyun Elmar Baxşıyevin rəhbərliyi altında ilk böyükhesablı qələbə olub. O, komanda ilə belə nəticəyə imza atan 9-cu baş məşqçidir: Roman Qriqorçuk - 15, Faiq Cabbarov - 14, Ramiz Məmmədov - 7, Fatih Kavlak - 5, Toni Adams, Yuri Syomin - 3, Dorinel Muntyanu, Sənan Qurbanov, Elmar Baxşıyev - 1.

Xatırladaq ki, “Qəbələ” bunadək son böyükhesablı qələbəsini də məhz “Səbail” üzərində qazanıb. 2018/19 mövsümünün startında - 2018-ci il avqustun 12-də Qəbələ şəhər stadionunda 3:0 hesablı qələbə əldə olunub (gabalafc.az).

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31