19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

"Sumqayıt” bizdən istəkli idi"

“Rəqibi təbrik edirəm. İlk hissə bərabər oyun oldu. İkinci hissədə biz də qol vura bilərdik, rəqib də”.

Futbolxeber.az saytının məlumatına görə, bu sözləri “Sabah”ın məşqçisi Ramin Quliyev Premyer Liqanın 11-ci turunda evdə “Sumqayıt”a 1:3 uduzduqları oyundan sonra mətbuat konfransında deyib.

O, müdafiədə səhvlərinin olduğunu bildirib: “Qol imkanlarımızdan yararlana bilmədik. Ulisse Diallonun qol vura bilmədiyi bir epizod oldu ki, qırılma anı idi. Qol vura bilmirsənsə, sənə vururlar. Müdafiədə səhvlərimiz oldu. Biz imkanlardan istifadə edə bilmədik. Rəqib layiqli qələbə qazandı. Orta xətdə zədəlilərimiz var. Rəşad Eyubov neçə məşqdi yoxdur. Coşqun Diniyev də zədəlidir. Ancaq bunlar bəhanə deyil. Rəqib ikinci hissədə oyunu ələ aldı və qələbə qazandı. "Sumqayıt" bizdən daha istəkli idi. Amma bəxt amili də öz sözünü dedi”.

R.Quliyev Cavid İmamverdiyevin zədəsinin ciddi olmadığını deyib: “Hələ dəqiq nəsə demək olmaz. Həkimdən soruşduq, yüngül zədə olduğunu dedilər. Qarşıda fasilə var, zədəlilərin qayıtması komandaya fayda verəcək. Qışa kimi 3 oyunumuz var. Bu legionerlərin içərisində komandaya uyğunlaşan da var, uyğunlaşmayan da. Yenə də baxılacaq. Hansısa legioner haqda indi qərar vermək çətindir. Ulisse Diallo ilə Cavid İmamverdiyev arasındakı mübahisəyə gəlincə, baş məşqçimiz paltardəyişmə otağında da bu haqda danışdı. Dedi ki, belə şeylər olmaz, gələcəkdə yol verilməsin. Emosiya ilə bağlı idi. Ancaq istənilən halda bu yolverilməzdir”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31