11 Dekabr 2019, Çərşənbə
“Neftçi” yeni sponsorla anlaşdı
Rüfət Dadaşovdan növbəti qol
Rusiya ilə bağlı şok qadağa
“Onların cəzasını verəcəyik"

Ölkə futbolu

Veteranlar Muxtar Respublikada: “Naxçıvan rəhbərliyi bu matçın keçirilməsi ideyasını sevinclə qarşıladı”

Azərbaycan Futbol Veteranları İttifaqı Naxçıvana səfər edib.

Bu haqda Football24.az saytına qurumun rəhbəri Oqtay Abdullayev məlumat verib.

Abdullayev səfərin məqsədi haqda danışıb: "Bildiyiniz kimi, Naxçıvanda bu ildən yenidən futbola xüsusi diqqət ayrılır. Əsgər Abdullayev kimi mütəxəssisi cəlb ediblər. Biz də öz töhfəmizi verməyi qərar alaraq Muxtar Respublikanın rəhbərliyinə Naxçıvanla Azərbaycanın veteranları arasında yoldaşlıq görüşü keçirməyi təklif etdik. Xoş haldır ki, Naxçıvan rəhbərliyi bu matçın keçirilməsi ideyasını sevinclə qarşıladılar. Qarşılaşma Bayraq Gününə həsr olunub və bu gün saat 15:00-da başlayacaq".

Qurum rəhbəri öz komandasının heyəti haqda da məlumat verib: "Təəssüf ki, bəzi veteranlar - Mahmud Qurbanov, Novruz Əzimov, Zaur Ramazanov obyektiv səbəblərdən bizimlə gələ bilmədilər. Ancaq bura gələnlər də yetərincədir ki, yerli azarkeşlər həm Naxçıvan veteranlarının, həm də uzun illər Azərbaycanın azarkeşləri gözü qabağında olanların ustalıqlarından lazımınca həzz alsınlar. Həmçinin, bizimlə Hüseyn Məhəmmədov, Nurəddin Əliyev, Maşallah Əhmədov, Asim Xudiyev, Arif Əsədov, Samir Əliyev, Asif Əliyev, Rüstəm Rəhimov, Bəxtiyar Musayev, Ramiz Məmmədov və ötənlərin digər tanınmış futbolçuları gəliblər".

Maraqlıdı, Əsgər Abdullayev hansı komandada yer alacaq? O.Abdullayevi dinləyək: "Əsgər müəllimlə bu haqda söhbətləşdik. Onun cavabı birmənalı oldu ki, meydana çıxsa, Naxçıvan komandasında oynayacaq. Deməli, bu yoldaşlıq görüşündə "barrikadanın müxtəlif tərəflərində" olacağıq".

Qeyd edək ki, Bayraq Gününə həsr olunmuş veteranların görüşü AFFA, Futbol Veteranları İttifaqı və Naxçıvan Futbol Federasiyasının birgə təşkilatçılığı ilə keçirilir.   

 

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31