28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

"Zirə"nin hücumçusu: "Samir Abasova qışadək vaxt vermək olardı"

"Heç bilmirəm necə başlayım. Çünki ilk yarıda pis oyun sərgilədik. Topu özümüzdə uzun müddət saxlaya bilmir, ələ keçirəndə isə yenidən rəqibə verirdik. Belə oyunu necə udmaq olar?"

Futbolxeber.az saytının məlumatına görə, bunu "Zirə"nin futbolçusu Xulio Rodriges evdə "Sumqayıt"la 2:2 hesablı heç-heçə etdikləri Azərbaycan Premyer Liqasının X tur matçından sonra jurnalistlərə açıqlamasında deyib.

29 yaşlı hücumçu bildirib ki, əvvəlki qarşılaşma ilə müqayisədə taktiki planda müəyyən dəyişikliyə əl atıblar: "Ötən tur "Sabah"a qarşı dördlü, bu dəfə beşli müdafiə taktikası ilə çıxış etdik. Bugünkü matçda orta sahədə bəzi problemlər yaranırdı. Hücum qurmaq üçün ehtiyat variantlarımız az idi. Məncə, "Sabah"a qarşı daha yaxşı oynamışdıq".

Paraqvaylı forvard "İlk yarıda qol imkanlarını sağa-sola xərcləyən "Sumqayıt"da çıxış etsəydiniz, qol vura bilərdinizmi?" sualını isə belə cavablandırıb: "Bunu mən deyə bilmərəm. Bunun üçün orada olmağım lazımdır. Həqiqətən haqlısınız. Çünki ilk yarıda rəqib 3-4 ideal qol şansından faydalanmağı bacarmadı. Müəyyən epizodlarda müdafiədən hücuma çıxmaqda çox böyük çətinliklərlə üzləşmişdik. Birinci hissədə bəxtimiz gətirdi ki, rəqib qol epizodlarından faydalana bilmədi".

Rodriges hücum xəttinə Riçard Qadzenin qaytarılmasından narahat olmadığını da söyləyib: "Bu barədə rahatam. Çünki 6 ay ərzində 11 qola imza atmışam. Düşünürəm ki, baş məşqçi Zaur Həşimov bunu nəzərə almalıdır. Görək, o, köməyimdən hansı dərəcədə yararlanacaq. Dekabradək gözləyəcəyəm".

Təcrübəli oyunçu "Zirə"dəki baş məşqçi dəyişikliyini gözlənilməz qarşıladığını bildirib: "Yüksək pillələr uğrunda mübarizə aparan komandalarla bizim aramızda kəskin fərq yox idi. Amma futbolda hər şey baş verə bilər. Səmimi desəm, qışa qədər gözləmək, Samir Abasova vaxt vermək olardı. Amma rəhbərliyin fikrinə hörmətlə yanaşmaq lazımdır" (“Report”).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31