12 Iyul 2020, Bazar günü
De Byazinin təyinatına sözardı
Ansi Aqolli millimizdə çalışacaq?
"Neftçi" Dario ilə yollarını ayırdı
“Sabah”da ispan baş məşqçi

Ölkə futbolu

Bordin: “Deyərdim ki, 2 xal itirdik"

"Neftçi"nin baş məşqçisi Roberto Bordin Azərbaycan Premyer Liqasının 10-cu turunda "Qarabağ"la oyundan (0:0) sonra jurnalistlərin suallarını cavablandırıb.

- Gözəl oyun oldu. Hər iki komanda yaxşı çıxış etdi. Əgər bu matçı boksla müqayisə etsək, bizdə bir neçə xal daha çox oldu. Çoxlu qol epizodları yaratdıq. Hətta qol da vurduq, ancaq sayılmadı. Futbolçuları bu oyuna görə təbrik edirəm.

- 4 qələbədən sonra heç-heçə etdiniz. Çoxlu epizodlar oldu, ancaq fərqlənə bilmədiniz. Bu, problemdir, yoxsa müsbət hal kimi dəyərləndirmək də olar?

- Problem o olardı ki, qol epizodları yaratmayaq. Böyük komandaya qarşı bu qədər şans əldə etmək müsbətdir. Hətta qol da vurduq, ancaq sayılmadı. Həmin epizoda baxmaq istədim. Eyni zamanda, Turalın yerdə qaldığı epizpodu izləmək istədim. Ancaq hələ mümkün olmayıb. Baxdıqdan sonra fikirlərimi bildirərəm.

- Boks hesabı ilə bir neçə xal öndə olduğunuzu dediniz, ancaq futbol dili ilə 8 xallıq fərq davam edir...

- Mən boks məsələsini zarafatyana dedim. Fikrim komandanın sona qədər yaxşı oyun göstərməsi ilə bağlı idi. 8 xal fərqi böyükdür. Ancaq qarşıda oyunlar var. Növbəti matçlarda maksimum xal toplayıb fərqi azaltmağa çalışacağıq.

- Rəhbərlik komandanın oyunundan və nəticədən razı qaldımı?

- Son 4 matçda qələbə qazanmışıq. Bu gün də heç-heçə etdik. Eyni zamanda, komanda gözəl futbol göstərdi. Hesab edirəm ki, rəhbərlik də razıdır. Hər oyuna belə yanaşmalıyıq.

- Son qələbənizlə bağlı demişdiniz ki, artıq yaralarımızı sağaldıb ayağa qalxmışıq. Bundan sonrakıları necə dəyərləndirə bilərsiniz?

- Problem o halda olardı ki, biz uduzardıq. “Qarabağ” Avropa Liqasının qrupunda top-klublara qarşı mübarizə aparır, çox güclü rəqibdir. Bu matç göstərdi ki, komandamızda ciddi problem yoxdur, hər şey yolundadır. Qələbəyə köklənmişdik. Fərqi azaltmaq istəyirdik. Təəssüf ki, alınmadı.

- Oyunun sonlarında meydandan kənarda gərginlik var idi. Nə baş verirdi?

- Sadəcə, Almeydaya qarşı təhlükəli oyun qeydə alınmışdı. Ona başa salmaq istəyirdim ki, bir qədər əvvəl Mustivara qarşı da eyni şey olmuşdu. Xırda anlaşmazlıq oldu. Oyundan sonra danışıb, yoluna qoyduq.

- “Neftçi” bu gün bir xal qazandı, yoxsa iki xal itirdi?

- Oyundan razı qaldım. Futbolçular son saniyəyə kimi hücuma köklənmişdilər, qələbə qazanmaq istəyirdilər. Deyərdim ki, 2 xal itirdik. İki epizoda bir daha nəzər yetirəcəyəm. Əgər haqlı qərarlar deyilsə, biz indi qələbəmizdən danışırdıq. Sakit başla baxmaq lazımdır. Bu matç bitdi, gələcək barədə düşünmək lazımdır.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31