Millimiz Çexiyaya uduzdu

19 yaşadək futbolçulardan ibarət Azərbaycan yığma komandası Avropa çempionatının seçmə mərhələsində bu gün növbəti oyununu keçirib.

Futbolxeber.az saytının məlumatına görə, çexiyalı həmyaşıdları ilə qarşılaşan yığmamız 0:4 hesabı ilə məğlub olub.

Xatırladaq ki, yığmamız ilk oyununda Norveçə də uduzmuşdu - 0:1.

Bu gün qrupda keçirilən digər oyunda Norveç San Marinonu darmadağın edib - 8:1.

Beləliklə, 2 turdan sonra Norveç və Çexiyanın 6 xalı var. Bununla da yığmamız son turun nəticələrindən asılı olmayaraq, qrupda ilk 2 yerdən birini tutmaq şansını itirib.

U-19 qrupun son oyununda oktyabrın 15-də San Marinonun müvafiq yaş qrupundan ibarət komandası ilə qarşılaşacaq.