14 Oktyabr 2019, Bazar ertəsi
Araz: “Üzrə görə xal vermirlər”
Holland hakim millimizdən üzr istədi!
Marko Rossi: “Xoşbəxtlikdən qol sayılmadı”
Tokio-2020-yə daha iki lisenziya

Ölkə futbolu

Qurban... YAZI

 

Mərhum Aydın Məmmədovun bir sözü vardı, deyirdi ki, bu xalq həmişə qəhrəmanlarını gözü önündə görmək istəyib – fərqi yoxdu, ya tribunada, ya da dar ağacında. Əslində, adamı bir anın içində göylərə qaldıran da, yerlə bir eləyən də eyni təfəkkürdü. Çalış həmişə qalib ol – qalibsənsə, başüzərində, göz üstündəsən, çalış məğlub olma – məğlubsansa, yerin dibinə girməyi də düşün. Ta sənin hansı situasiyada, hansı qeyri-bərabər döyüşdə uduzmağın heç kəsin, türklər demiş, umrunda belə deyil...
 
Bu gün “Qarabağ” uduzdu. Çox yox, 5-10 gün qabaq qalib gəlmişdi. Amma o gün qələbəyə şərik çıxan bir çox azarkeş bu gün məğlubiyyəti birbaşa komandanın, onun baş məşqçisi Qurban Qurbanovun ayağına yazmağa çalışdı - “Biz qalib gəldik” nidasını “Komanda uduzdu” anti-nidası əvəz elədi. Mən “Media” sektoru deyilən yerdən izləyirdim oyunu - əksəriyyəti idman jurnalistləri idi. “0-1”dən sonra komandanı təftiş eləyənlər 0:2-dən sonra 5-10 gün əvvəl qəhrəman kimi gördükləri Qurban Qurbanova da dil atmağa başladılar – “Filankəsi niyə çıxartmir oyundan?” ittihamı ilə.
 
Oyun bitti. Uduzduq. Hamımız məyus olduq. Qurban Qurbanov yenə təmkinini pozmadı və jurnalistlər qarşısında real mənzərəni anlatdı öz düşüncəsiylə. Və bugünkü Qurban Qurbanovla 5-10 gün əvvəlki qalib Qurban Qurbanovu müqayisə eləsək, mən bugünkü Qurban Qurbanovu daha çox bəyəndim – ona görə ki,onun təsadüfi adam olmadığını gördüm, ona görə ki, onun hardan hara getdiyini çox yaxşı bildiyini və bu yolda ardıcıl olduğunu gördüm...
 
Qurban Qurbanov dedi ki, azarkeşləri sevindirmək üçün maksimum gücümüzü sərf etdik, ancaq təəssüf ki, bu gün uduzduq. Qurban Qurbanov dedi ki, heç vaxt belə məyus olmamışdı... 
 
Mənim üçün önəmlisi də budu. Bu adam neçə illərdi öz yolu ilə gedir – doğru bildiyi yolla gedir, ən yaxşı bildiyi işi görə-görə gedir və bu işi hamıdan yaxşı, cani-dildən görə-görə gedir. Ruhdan düşmür, təmkinini itirmir. Elə buna görədi ki, bu adam neçə illərdi hamını “Qarabağ” təəsübkeşi eləyib. Elə bunu görədi ki, bu adam neçə illərdi yaratdığı komanda ilə Avropanı “Qarabağ”, “Azərbaycan” sözlərini yanaşı tələffüz eləməyə məcbur eləyə bilib. Elə buna görədi ki, bu adam neçə illərdi minlərlə yeniyetməni, minlərlə gənci “Qarabağ”ın fanatına çevirib. Ona görə ki, öz işini sevir. Ona görə ki, öz işini vicdanla görür. Ona görə ki, gördüyü işin uzaq nəticədə uğur qazanacağına inanır.
 
Bugünkü oyuna görə Qurban Qurbanovu qınayanları gördüm. Amma gəlin görək biz hamımız öz işimizə Qurban Qurbanov kimi vurğunuqmu? Gəlin görək biz Qurban Qurbanov kimi öz işimizlə neçə-neçə yeniyetməni, gənci doğruya, çətin olan işə girişməyə inandıra bilirikmi?
 
Belə adamlar özlərinə və gördükləri işə inanırlar və öz inandıqları iş uğrunda qurban da getməyə hazır olurlar – Qurban Qurbanov kimi! Onlar üçün nəticənin fərqi yoxdu - ya tribuna olsun, ya da dar ağacı.
 
Yusif RZAYEV, Qol.az



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31