22 Fevral 2020, Şənbə
“Qəbələ”dən daha bir transfer
18-ci turun hakim təyinatları
Emil Balayev Norveçə yollanır
“Atletiko” və “Borussiya”dan qələbə

Ölkə futbolu

"Neftçi" bəyanat yaydı

 

“Neftçi” klubu bəyanat yayıb. Klubun saytında yer alan bəyənatı təqdim edirik:

- Azərbaycan Premyer Liqasının III turu çərçivəsində keçirilmiş “Qarabağ” - “Xəzər Lənkəran” matçında azarkeşlər arasında baş vermiş hadisələrdə  “Neftçi” PFK-nın azarkeşlərinin adının hallandırılması yolverilməzdir. Komandamızın uğurlarına kölgə salmağa çalışan bəzi qüvvələr mətbuat və digər vasitələrlə ictimai rəyi çaşdırmaq istiqamətində çalışırlar. 25.08.2013-cü il tarixində təşkil olunacaq “Xəzər Lənkəran” - “Neftçi” oyunu öncəsi qızışdırıcı mövqe tutan bu qüvvələr iki klub arasındakı münasibətləri korlamaq və azarkeşləri qarşı-qarşıya qoymaq üçün müxtəlif yollara əl atırlar. Azərbaycanda futbolun inkişafına zərbə vurmaq niyyətində olan bu insanlar idmana etnik qarşıdurma kimi ifadələri gətirməklə ictimai asayişi pozmağa səy göstərirlər.

“Qarabağ” və “İnter” klublarının UEFA Avropa Liqasında oyunlara yüksək səviyyədə hazırlaşması üçün “Neftçi” PFK rəhbərliyi İ.Qayıbov adına stadionu klubların ixtiyarına vermiş və hər iki klubun rəhbərliyi “Neftçi” PFK-ya öz minnətdarlığını bildirmişlər. Bununla yanaşı komandamızın çoxminli azarkeşləri “Qarabağ”ı beynəlxalq oyunlarda dəstəkləyərək onların uğurlarında pay sahibi olublar.

“Neftçi” PFK olaraq bir daha bəyan edirik ki, xoşagəlməz hadisələrdə “Neftçi” PFK-nın adının hallandırılması futbolumuza deyil, ümumilikdə dövlətçiliyimizə  xələl gətirmək cəhdləridir.

“Neftçi” PFK olaraq tələb edirik ki, “Qarabağ” - “Xəzər Lənkəran” görüşündə azarkeşlər arasında baş vermiş hadisələr tam dəqiqliyi ilə araşdırılsın (əgər varsa videogörüntülərlə) və günahkarlar öz layiqli cəzalarını alsınlar.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29