"Erkən qol vurmağımız işə yaradı"

"Ayntraxt"ın baş məşqçisi Armin Fe Avroliqanın play-off mərhələsinin ilk oyunu çərçivəsində "Qarabağ"a qarşı keçirdikləri oyunu şərh edib. Futbolxeber.az-ın məlumatına görə, Fe Bakıda 2:0 hesablı qələbə qazanmalarına baxmayaraq, hələ mərhələni adlamadıqlarını vurğulayıb: "Oyuna çox ciddi yanaşmışdıq. Erkən qol vurmağımız işə yaradı. Yaxşı hazırlıqlı komandaya qarşı oynadıq. "Qarabağ"ın da çoxlu qol imkanları oldu. Mərhələni keçdiyimizi demək olmaz. Rəqib də yaxşı oyun nümayiş etdirdi. Sözsüz ki, 2:0 hesabını qorumağa çalışmayacağıq. Cavab oyununda da hücumlara üstünlük verəcəyik. Rəşad Sadıqovun oyununa mane ola bildik. Azarkeşlər "Qarabağ"a çox yaxşı şəkildə dəstək verdilər. İkinci hissədə elə təəssürat yarandı ki, sanki meydançaya təyyarə enir. Bizim azarkeşlər də yaxşı təsir bağışladı".