“Ad günüm oldu-olmadı, Azərbaycanla oyunda 3 xal qazanmalıyıq”

“14 ilə yaxındır yığmadayam. İndiyədək yalnız 2 və ya 3 ad günümü burada qeyd etməmişəm”.

Futbolxeber.az saytının məlumatına görə, bu sözləri Xorvatiya millisinin kapitanı Luka Modriç ölkəsinin mətbuatına açıqlamasında deyib.

Bu gün 34 yaşı tamam olan "Real"ın yarımmüdafiəçisi qeyd edib ki, Azərbaycan millisi üzərində qələbə doğum günü üçün ən yaxşı hədiyyə olar: "Ad günüm oldu-olmadı, 3 xal qazanmalıyıq. Bunun üçün hamımız əlimizdən gələni edəcəyik. Təbii ki, qalib gəlsək, bu, mənim üçün ən böyük hədiyyə olacaq".

Qeyd edək ki, bu gün “Bakcell Arena”da keçiriləcək Azərbaycan - Xorvatiya matçı saat 20:00-da başlayacaq.