22 Sentyabr 2019, Bazar günü
DÇ: 2 güləşçimiz finalda
UEFA “Qarabağ”ı cərimələyib
VI turun oyun cədvəli açıqlandı
Hacı Əliyev uduzub, medalsız qaldı

Ölkə futbolu

1389 gün gözlədiyimiz qələbə!

Dünən 21 yaşadək futbolçulardan ibarət Azərbaycan millisi Avropa çempionatının seçmə mərhələsi çərçivəsində Slovakiyanı 2:1 hesabı ilə məğlub etdi.

Futbolxeber.az saytının araşdırmasına görə, bu qələbə sayəsində U-21 yığmamız təxminən 3 il 9 aylıq qələbə həsrətinə son qoyub. Daha dəqiq desək, gənclər millimiz 1389 gündən sonra rəsmi oyunda qələbə sevinci yaşayıb.

U-21 sonuncu dəfə 2015-ci ilin 17 noyabrında seçmə mərhələ çərçivəsində “Bayıl Arena”da Rusiya yığmasını 3:0 hesabı ilə məğlub etmişdi. Yaşar Vahabzadənin başçılıq etdiyi U-21-ə qələbə gətirən qolları Kerem Behnke (2) və Elşən Abdullayev vurmuşdular. Həmin seçmə mərhələdəki növbəti 3 oyununu heç-heçə başa vuran millimiz (Rusiya - 2:2, Farer adaları - 1:1, Finlandiya - 0:0) Yaşar Vahabzadənin rəhbərliyi altında tsikli 9 xalla başa vuraraq, seçmə mərhələlərdəki rekordunu təkrarladı.

Növbəti seçmə mərhələdə U-21 yığmamız qələbə üzünə həsrət qaldı:

İsrail - Azərbaycan 3:1

Azərbaycan - İrlandiya 1:3

Almaniya - Azərbaycan 6:1  

Azərbaycan - Almaniya 0:7

Azərbaycan - Kosovo 0:0

Kosovo - Azərbaycan 2:0

İrlandiya - Azərbaycan 1:0

Azərbaycan - İsrail 1:1

Azərbaycan - Norveç 1:3

Norveç - Azərbaycan 1:1

Cari seçmə mərhələyə də millimiz uğursuz start vermişdi. Milan Obradoviçin U-21-in baş məşqçisi kimi debütu uğursuz alınmışdı. Yığmamız səfərdə Lixtenşteynə 0:1 hesabı ilə uduzsa da, toparlanaraq ikinci görüşdə Slovakiyanı məğlub etməyi bacardı.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30