20 Fevral 2020, Cümə axşamı
Emil Balayev Norveçə yollanır
“Atletiko” və “Borussiya”dan qələbə
AFFA-dan Cavidə 4 oyunluq cəza
"Keşlə"nin legioneri milliləşdirilir

Ölkə futbolu

“Qəbələ” hazırlığı paytaxtda davam etdirir

“Qəbələ” milli komandaların oyunları ilə əlaqədar yaranan fasilə dövründə hazırlığını davam etdirir.

Futbolxeber.az-ın klubun rəsmi saytına istinadən verdiyi məlumata görə, Azərbaycan Premyer Liqasının III turunun avqustun 31-də keçirilən “Keşlə” ilə ev oyunundan sonra 3 günlük istirahətə buraxılan komanda dünən bir araya gəlib.

Paytaxtda toplaşan “qırmızı-qaralar” hazırlığa Bakı Olimpiya Stadionunda start verib. Futbolçular ilk gündə fiziki çalışmalarla kifayətləniblər.

Bu gün səhər məşqini Biləcəri Futbol Mərkəzində gerçəkləşdirən “Qəbələ” axşam hazırlığını Bakı Olimpiya Stadionunda keçirib. Komanda üzvləri toplu və topsuz çalışmaları icra ediblər. Baş məşqçi vəzifəsini icra edən Elmar Baxşıyevin rəhbərliyi altında keçən məşqdə milli komandaların heyətində olan futbolçular - Amin Seydiyev, İdris İnqilablı, Rövlan Muradov və Klesio Bauk iştirak etməyiblər.

Sabah keçiriləcək növbəti məşq də Bakı Olimpiya Stadionunda təşkil olunacaq. Baxşıyevin yetirmələri sentyabrın 7-də “Sumqayıt”la yoxlama oyununda qüvvəsini sınayacaq. Matç Sumqayıtdakı “Kapital Bank Arena”da keçiriləcək. Görüş saat 18:00-da başlayacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29