Ayxan Abbasov: “Azərbaycanda elə sözə görə adamı öldürürlər”

“Ən azı 1 xal qazanmaq istəyirdik. İlk hissədə istədiyimiz qolu vura bildik. Oyunu əks-hücumların üzərində qurmuşduq. Təəssüf ki, qırmızı vərəqədən sonra mübarizə aparmaq çətin oldu. Dəyişikliklər etdik, amma son 1 dəqiqəni dözə bilmədik. Bu da bəzi futbolçularımızın gənc olması və Premyer Liqa ab-havasına uyğunlaşmaması ilə bağlıdı. Yenə də vuruşduqlarına görə komandaya təşəkkür edirəm”.

Futbolxeber.az saytının məlumatına görə, bu sözləri “Neftçi”yə 1:2 hesabı ilə uduzduqları oyundan sonra “Sumqayıt”ın baş məşqçisi Ayxan Abbasov deyib.

Abbasov Premyer Liqanın üçüncü turu çərçivəsində keçirilən görüşdə yaşanan qalmaqala da toxunub:

“Məni üzən bəzi səbəblər var. Bunlardan danışmalıyıq. Təəssüf ki, Bordin hər dəfə kimlərəsə nələrsə öyrətmək istəyir. Amma getsin öz komandasına tərbiyə versin. Mənim futbolçularımdan kimsə rəqib komandanın məşqçilərini söysə, mən onu qovaram. Təəssüf ki, millidə Anton kimi futbolçular oynayır. Mən bu gün futbola nifrət etdim. Gəlib bizə niyə söyüş söyür? Neynəmişik ki? Axırıncı dəqiqədə top çıxıb, futbolçumuz yerdə qalıb. Bordin müəllim, başqa vaxt gəlib vaxt uzatmaqdan şikayətlənirsiz, topu niyə vermədiz? Azərbaycana gəlib futbol öyrətməkm lazım deyil. Bu da onun tərbiyəsiz komandası!

- Etibar Tarverdiyyein sizə əl-qol atması necə?

- Futbol aqressiya oyunudu. Biz də əsəbləşirik. Mən futbolçuları ordan çəkmək istəyirdim. Anton pis söyüş söydü. Azərbaycanda elə sözə görə adamı öldürürlər. Bəlkə Ukraynada onunçün normaldı. Heç kim valideynlərini küçədən tapmayıb. Onun başını kəsərlər. Mən 20 futbolçunun qabağını kəsə bilmərəm. Ancaq onları çölə çıxarmaq istəyirdim. Etibarın onun sakitləşdirmək əvəzinə bizim üzərimizə gəlməsi normal deyildi. Antonun o hərəkətinə görə Vurğun qırmızı vərəqə aldı. Bu gün “Sumqayıt”la yox, getsinlər o büdcə ilə “Qarabağ”la prinsip aparsınlar.

- Keçən tur hakimlik barədə danışmağınız AFFA tərəfindən narazılıqla qarşılandı. Bu gün razı qaldızmı?

- Sualınız odu ki, mən yenə cəza alım (gülür).

- Epizodların birində Əmir Ağayev cərimə meydançasında yerdə qaldı. Amma haqqınızı tələb etmədiz...

- Epizodu görməmişik. Belə danışmaq olmaz. Bu hadisə olmasaydı, mən “Neftçi”ni tərbik edərdim. Problem deyil, yenə təbrik edirəm. Gəlib bizə küçə söyüşü söyməsi pis təsir etdi. Gör, millinin formasını kimlərə etibar edirik.