“Qarabağ” 5,5 milyon manat qazandı

Avropa Liqasının qrup mərhələsinə vəsiqə qazanan "Qarabağ" bu uğur sayəsində büdcəsini zənginləşdirəcək.

Futbolxeber.az saytının məlumatına görə, bu uğur Ağdam təmsilçisinə 2,92 milyon avro (5,5 milyon manat) qazandırıb.

“Qarabağ” buna kimi Çempionlar Liqasında (ÇL) I, II və III təsnifat mərhələlərində iştirak üçün müvafiq olaraq 280 min avro, 380 min avro və 480 min avro, yəni ümumilikdə 1 milyon 140 min avro gəlir əldə edib.

Qeyd edək ki, "Qarabağ" Avroliqanın qrup mərhələsində qazandığı hər qələbəyə görə 570 min avro, heç-heçəyə görə isə 190 min avro alacaq. Qrup qalibi olsa 1 milyon avro, ikinci olacağı halda isə yarım milyon avro əldə edəcək.