“Linfild”in müdafiəçisi: “Bizi Bakıda daha çətin qarşılaşma gözləyir”

“Linfild”in üzvü Kris Keysment Avropa Liqasının pley-off mərhələsinin ilk oyununda “Qarabağ”ı 3:2 hesabı ilə məğlub etmələri barədə danışıb.

Futbolxeber.az saytının məlumatına görə, 31 yaşlı müdafiəçi qələbənibelə şərh edib:

“Qapımızda ilk qolu görəndən sonra buna yaxşı reaksiya verdik. Komandanın oyunundan razı qaldım. Bütün kollektiv yaxşı oynadı. Rəqibimiz güclü idi, ilk 15 dəqiqə ərzində oyunumuzu tapa bilmirdik. Azarkeşlərin yaxşı atmosfer yaratması çıxışımıza müsbət təsir etdi. Lakin bu görüş artıq geridə qaldı. Növbəti matça hazırlaşmalıyıq”.

Kris cavab matçının komandası üçün çətin olacağını söyləyib: “Bu, duelin birinci hissəsi idi. Bizi Bakıda daha çətin qarşılaşma gözləyir. Çətin olacağını bilirik. Ancaq məşqçilər korpusu və futbolçularla birlikdə Bakıda sürpriz edə biləcəyimizə və qrupa düşəcəyimizə inanmalıyıq”.

Xatırladaq ki, "Qarabağ" - "Linfild" görüşü avqustun 30-da Tofiq Bəhramov adına Respublika stadionunda keçiriləcək.